Vonbrigði ársins

Ég verð að fá að segja það - þó að ég sé Real Madrid maður að þá hef ég unun af því að horfa á Barcelona. Einkum er gaman að fylgjst með liðinu spila í stórleikjum. Það er í rauninni sjaldan sem maður virkilega nýtur þess að sitja afslappaður og horfa á góða knattspyrnu. Í leikjum Man utd er ég spenntur og nýt þess því ekki eins vel, og Real vs Barca er auðvitað bara spenna. Það er því helst meistaradeildin sem maður getur notið þess að horfa á Barca. Nú hefur það hins vegar dregist þannig að Barca mætir einhverju leiðinlegasta íþróttaliði sögunnar. Liði sem hreinsar fram og spilar með 10 manna varnarmúr á útivöllum og reynir að þröngva inn marki á heimavelli með því að senda háa bolta á Crouch og þruma í átt að markinu og vona hið besta - liðið að sjálfsögðu Liverpool.
Ég man fyrir nokkrum árum þegar við vorum staddir í æfingaferð Mfl. Fram einhvers staðar á Spáni, þá mættust þessi tvö lið og við horfðum á seinni leikinn. Báðir enduðu þeir 0-0 og þegar 87mín voru liðnar af seinni leiknum og Barca var búið að vera með boltann 79% þá höfðu liðin aðeins náð einu skoti á markið og framherjar Liverpool liðsins ekki einu sinni séð glitta í miðlínuna.
Dráttur dagsins er því ótrúleg vonbrigði, það er búið að skemma fyrir mér tvo Meistaradeildarleiki með Barca og ég vona hvert einasta ár að Liverpool dragi sig úr öllum keppnum og spili deildarkeppni með Grikklandi (Evrópumeisturunum árið 2004) og liði Framsóknarmanna - keppnin gæti farið fram í helvíti.