Lets go Lakers

Kobe Bryant og félagar hans í Lakers eru með meistarana í köðlunum eftir sigur í nótt sem var óþarflega tæpur og staðan 3-1. Lakers voru betra liðið allan tímann en enn einu sinni voru gömlu kallarnir í dómarabúningunum sérstaklega hliðhollir Spurs, tja allt fram á næst síðustu sekúndu leiksins og héldu þeim inn í leiknum. Sjaldan hefur lið án Lebron komist upp með jafn mikið og meistararnir hafa gert hingað til. Duncan í bakhrindingum, notandi hendur og höfuð ólöglega auk þess sem honum leyfist að taka 4-5 skref til að skora körfu - hljóp einu sinni nánast frá þriggja stiga línunni (án þess að drippla boltanum) og tróð án þess að nokkuð athugavert væri við það að mati dómaranna. Parker, Ginobili, Bowen og Oberto héldu svo áfram að vera dirty og einhvern veginn tókst dómurum leiksins að komast nánast hverjum einasta leikmanni í hinu prúða Lakers liði í villuvandræði. Það kom þó ekki að sök þar sem gæðamunurinn á þessum liðum er rosalegur. Horry, Oberto, Finley og Thomas virðast loksins hafa lent á aldursveggnum og auk þess hefur Ginobili að mestu verið alveg sorglegur í þessari seríu (með aðeins 7 stig í nótt). Ef að Gasol myndi mæta eins og karlmaður gegn Duncan að þá værum við núna búnir að sópa þessu einvígi léttilega - það þarf einhver að berja lífi í Gasol.
Niðurstaða: Öll vafaatriði utan eins á lokasekundu leiksins féllu með Spurs en þrátt fyrir það vann Lakers sanngjarnan sigur og klárar vonandi þetta einvígi á sínum heimavelli í LA í næsta leik - en það væri eftir Horry að mæta loksins til leiks.

Er lífið ekki dásamlegt?