Týnda kynslóðin?

Ég hef ekki í langan tíma lesið eins mikið bjánaefni um íþróttir og fyrrihluta greinar um NBA í Morgunblaði dagsins (þriðjudag). Þar skrifar NBA sérfræðingurinn Gunnar Valgeirsson um upphaf vertíðarinnar vestanhafs. Hann hefur grein sína á því að spyrja hvað hafi orðið um kynslóðina Kobe, Iverson, Garnett, Carter og McGrady og bætir svo við að hún sé núna álitin týnda kynslóðin á meðan Lebron, Wade og Carmelo spóka sig í sviðsljósinu.
Körfubolti snýst ennþá um titla en ekki peninga, það spyr engin hversu mikið meira Ewing hafi fengið greitt frá Knicks en Pippen hjá Bulls - það eru hringarnir sem gera menn eftirminnilega.
Vissulega er það rétt að Iverson og Kobe hafa verið gagnrýndir undanfarin ár fyrir gjörðir sínar í einkalífi, en hvort hefur Jordan verið minnst sem besta körfuboltamanns sögunnar eða fyrir meinta nauðgun og spilafíkn. Það vill auk þess þannig til að Bryant og Iverson voru stigakóngar NBA í fyrra en greinarhöfundi þykir ekki merkilegt að taka slíkt fram (frekar en 81 stiga leik Kobe), en tekur frekar fram að þessir þrír glanspeyjar hafi allir skorað yfir 26,5 stig.
NBA deildin hefur auk þess ekki verið í lægð síðan að Jordan hætti, eins og svo réttilega var bent á í mörgum pistlum í fyrra vestanhafs, nei NBA deildin nýtur ávallt góðs af því þegar gamalgróin lið eins og Lakers, Boston og Sixers gengur vel - þá er áhorfið mest. Lakers og Sixers hafa einmitt mæst einu sinni í úrslitum síðan að Jordan hætti og Lakers vann auðvitað þrisvar í röð, eins og ég hef unnun á að minnast á, með þá félaga Shaq og Kobe í broddi fylkingar. Svo færði Shaq sig auðvitað yfir og hjálpaði Wade að vinna sinn fyrsta titil. Hinir tveir, Carmelo og Lebron eiga hins vegar litla sem enga möguleika að verða meistarar á næstu árum því að Denver og Cleveland eru ekki líkleg til árangurs... Wade reynir væntanlega að kreista út annan meistartitil í ár því að þegar Shaq, Mourning, Payton og Walker leggja skónna á hilluna og Riley leggur gelinu að þá er hann kominn í sömu stöðu og Kobe, í ,,one man show". Þannig að ólíklegt verður að teljast að þessari kynslóð vegni betur en Kobe - kynslóðinni að fylla í skarð Jordan - enda kannski ekki hægt þegar breytingar á leiknum eru skoðaðar (sérstaklega hvernig nú má leika vörn).
Gefum okkur nú hins vegar þau Framsóknarrök að þetta séu allt dylgjur í mér og ég ekki hæfur af pólitískum ástæðum til að fjalla um þessa frétt, þá stendur eftir að svara því hvers vegna þessir þrír ágætu herramenn (sem taka eiga við því hlutverki af ,,týndu kynslóðinni" að koma í stað Jordan) gátu ekki saman í liði unnið heimsmeistaratitilinn fyrir þjóð sína nú í sumar?
Gæti svarið verið það, að þeir hafa verið uppteknari af því að leika fyrirsætur fyrir NBA gróðamaskínuna en að einbeita sér að körfubolta!!!
Hins vegar er ég sammála Gunnari með hvernig deildin kemur til með að þróast í vetur, Miami, Dallas, Phoenix, Detroit, Spurs og jafnvel meiðslalaust Houston eru öll líkleg til árangurs en ég tel þó líklegra að Phoenix mæti Miami í úrslitum frekar en Dallas.
Mínir menn í Lakers setja aftur takmarkið á úrslitakeppnina, en eftir tvö ár verða þeir meistaraefni - þegar Bynum hefur öðlast reynslu og við höfum fengið alvörumann fyrir þá blóðpeninga sem við borgum ennþá fyrir helvítið hann Grant. Áfram NBA, áfram Kobe en umfram allt áfram Lakers!