Af apasamfélagi öfgakvenna og leikskólaprestum djöfulsins

Já ég er sannarlega ofan í helli þessa daganna enda önnin senn á enda og allt brjálað. Svo illa hef ég staðið mig hér á þessum vettvangi að Ívar hefur séð sig tilneyddan til að halda lífi í þessari síðu og kann ég honum bestu þakkir fyrir það.

Já feministar tröllríða öllu þessa daganna, hlægilegar feministafréttir, að þær ætli að sniðganga Silfur Egils (blessunarlega fyrir áhorfendur) og svo vill Kolbrún ,,F" Halldórsdóttir breyta klæðnaði barna uppi á fæðingardeild.

Hið síðastnefnda er auðvitað auðvelt að leysa. Spítalinn fjárfestir bara í nokkrum hvítum göllum og lætur foreldrana síðan um að velja hvort þau vilji blátt, bleikt (þeir litir sem örugglega 99% myndu kjósa) og síðan þessa hvítu hlutlausu (fyrir hálfvitana) - nú ef að Íslendingar reynast vera hlutfallslega meiri hálfvitar varðandi þetta mál en mig grunar, nú þá skipta þau hinum litunum út fyrir hvítt sem því nemur. Já, markaðurinn - Já hagræðingin (orð fyrir AFO)!

Eruð þið búin að sjá þessar Feministafréttir - þvílíkt grín. Velkomin í sjónvarp barnanna, meira að segja ógeðisþátturinn sem var á NFS var skárri en þessi grátlega plebbalega útsending. Það hlaut samt að koma að þessu, er ekki rétt að stöðin hljóti heitið Alfa sem öfgafull mótstaða við öfgamennina á Omega?

Varðandi sniðgöngu feminista á Silfri Egils er svo ótrúlega margt sem mætti segja til að benda á þessa heimsku. Skemmtilegt væri auðvitað ef að Egill Helgason tæki sig til og hefði jafnt kynjahlutfall en hefði bara samband við frjálshyggjukonur til að koma í þáttinn en hvorki feminíska konur né karla - það myndi sýna best hversu sárgrætilegan málstað þessar... ég veit ekki einu sinni hvað á að kalla svona konur. Ótrúlega skemmtilegt að horfa á Kastljós þáttinn. Þær eru alltaf voða töff einar og sér með sitt þvaður en um leið og þær lenda í umræðuþætti (hvort sem það er þessi kona í kvöld, Sóley Tómasdóttir eða Katrín Anna) þá lenda þær í algjörri málefnakrísu og enda með því að líta út eins og þrælar sem kyssa vöndinn, það er ekki einu sinni mótstaða og yfirleitt er viðmælandinn (hvort sem það er Egill Helgson, Guðmundur Steingrímsson eða Sigurður Kári) farnir að brosa svona ,,æi, ég vorkenni þessari konu" brosi.

Svo finnst mér þetta svolítið sniðug færsla hjá fyrrverandi samherja mínum.

...þessi færsla Stormskers er líka orðin klassísk.

Skemmtilegast af öllu er þó þegar að þessi drulluumræða apasamfélagskvenna fer af stað þá er eins og fjölmiðlar séu undirbúnir og komi með lauflétt skot á móti til að þagga niður í þeim - ég segi bara verði þessum konum að góðu!

Er svo ekki rétt að fagna því að leikskólar í Seljahverfi eru í forystu fyrir því að ganga inn í 21... nei sennilega bara 20.öldina og banna prestum að heimsækja leikskóla - velkomin í siðmenntað, heilbrigt og öfgalaust þjóðfélag! Daginn þegar að foreldrum verður orðið bannað að neyða börn sín til trúar, þá munum við öll hlæja að því þegar að prestum þótti sjálfsagt að heilaþvo börn á leikskóla aldri... eða hlær fólk ekki í dag að heilaþvottauppeldisaðferðum Maos og Hitlers?

Er lífið ekki dásamlegt?