Gagnrýni

Hér hafa menn og konur verið mis sáttir/ar við gagnrýni á kristna trú. Var nokkur búinn að gleyma ljóðskáldinu Daða?. Kannski ég - þetta ljóð var ljóð dagsins 23.september.



Er lífið ekki dásamlegt?

Gleymt kosningarljóð (viðeigandi, takk Daði)

Ég vil-hjálm en ég fæ lúsuga húfu
Ég vildi mjálm en fékk skitna dúfu
Ég vildi gangverk, fékk lausa skrúfu
Ég vildi hjálm en ég fékk skítuga húfu

Ég vil-hjálm en ég fæ götóttan hatt
Ég vildi löng kynmök en fékk það hratt
Ég vil framsóknarleysi, ég segi það satt
ég kaus vil-hjálm en fékk ónýtan hatt

Ég vil-hjálm en fæ gömul eyrnaskjól
Ég fékk haglél er ég vildi sól
Drauma jakkafötin þau urðu að kjól
Ég vil hjálm en fékk notuð eyrnaskjól

Þú sagðir ,,ég vil hjálm” en þú færð sokk
útmigna skálm og Framsóknarflokk
þú vilt barn en þeir færðu þér smokk
ég Vil-hjálm en ég fékk táfýlu sokk

Ég vildi Dag og Silvíu Nótt
Fékk næturóróa og dags hitasótt
Vildi eitthvað fagurt en fékk eitthvað ljótt
Vildi Dag en fékk Framsóknarsótt

Ég vildi Svan-dísi en fékk ógeðfellt hræ
Vildi hitabylgju en fékk kaldan maí
Vildi töfrabaunir en fékk arfafræ
Ég vildi Vinstri Græna en fékk stóriðjuhræ

Ég vildi Frjálslynda en fékk framapot
Ég vildi ávaxtasafa en fékk tréspíraskot
Ég vildi vera þurr en ég varð vot
Ég vildi Frjálslynda en fékk Framsóknarpot

Við 94% vildum hann ekki en fengum hann þó
Við vildum hann aflífa en ekki hann dó
Við vildum alla aðra í borgarstjórnarskó
Við vildum ekki Björn Inga en fengum hann þó.

Ég vildi Vilhjálm en vil ekki lengur
Hinsta hálm-stráið það ekki gengur
Hann er móðgun þessi falski áttundi strengur
Ég vildi Vilhjálm en vil ekki lengur

-----------------------------------

Ég vil ekki hjálm né nokkuð annað
Verður ráðhúsið alltaf illa mannað?
Er lýðræði ekki fyrir borgina hannað?
Ég vil ekki hjálm né nokkuð annað!


Daði 1981

Er lífið ekki dásamlegt?

Félag íslenskra Daða

Ég verð hreinlega að ýta undir snilldina sem Keðjan hefur áður benti á. Spyrja sig nú kannski margir hvort að ég standi á bakvið þetta grín og get ég staðfest að svo er ekki. Rauninni hef ég aðeins einu sinni gert síðu um Daða og sú lifði aðeins í nokkra klukkutíma uns henni við Garcia lokuðum henni, en það var minningarsíða um Daða Guðmundsson sem þótti siðferðilega röng.

Brot úr vordegi við Austurvöll (Óður til vorsins)

Það er heiðskýr himinn og halla tekur degi
við Austurvöll og Megas verður á mínum vegi
sem getur ekki boðað annað en ,,gott kvöld”
það er ef að andinn hefur ennþá hér nokkur völd.

Og þarna má sjá Bjarna biðja fólk misvinsamlega að kaupa ljóð
og Dómskirkjuklukkurnar hringja fyrir grasins fegurstu og léttklæddustu fljóð
til að minna þau á að brátt fer að skyggja á þau og Jón
og til að gleðja eldra fólk með sínum allra fegursta tón
og þau suða saman flugurnar og sóparnir sem taka upp sandinn
og vestfirskur þingmaður spyr róna ,,Hvernig bragðast landinn?”.

Það er ekki annað hægt en að elska þessa fögru veröld á meðan hún varir
og meira segja Meistarinn tekur ,,Spáðu í mig” og fólkið á hann hissa starir
þar sem hann stendur á svölum Alþingishúsins einn með gítarinn alsgáður
og það má greina hvert orð og í laginu er heill þráður
og undir taka ungir sem aldnir - jafnvel einn erlendur fáráður.

Gleðin hún saklaus leikur og það losnar um hömlur vanafastra manna
og margar hrakfallaspár um mannkynið með því þeir sjálfir afsanna
og brátt liggur jafnvel Björgólfur teinóttur með unga fólkinu í döggvotu grasinu
og virðist gefa skít í það þó að hann þurfi líkt og aðrir að drekka úr sama glasinu
það leikur léttur vorvindur um hár viðstaddra og gítarinn er látinn ganga í hringi
og Geir H. Haarde tekur ,,With God on our side” og slítur svo vorþingi.

En þrátt fyrir allt situr Gunnar Dal,
Kóngurinn á Cafe París ennþá inni með tár á hvarmi,
brosir og segir ,,og nú ert þú komið, nýja vor
og ljósið í augum þínum mun leiða okkur áfram"
og ég bæti við: ,,...þangað sem raddir morgunsins hljóma”

-Daði

Ný gögn um ævi Hitlers

Hitler var víst mjög hrifinn
af jarðaberjasjeik.
Hér má sjá mynd af honum
fýldum, enda varð hann að sætta
sig við kúluís undir lokin þegar bandamenn
voru búnir að taka rafmagnið af Berlín.

Skemmtilegt annars hvernig skoðanasystir hans skeit á sig í Silfri Egils í gær þegar umræðan barst að klámi. Það virðist henni ekki ljóst að það er ekki nóg að lesa heilu regnskógana af sænskum rannsóknum og tala við öll heimsins Stígamótasamtök til að losna við vandamálið. Það sem Sóley er ekki að átta sig á er eins og ég, Guðmundur í Silfri gærdagsins og Hannes Hólmsteinn fyrir einhverjum árum síðan höfum bent á að til að losna við barnaklám, mansal og hina nauðugu leikara er að taka beint á þeim málum í samfélaginu og bjóða betri aðstoð við fórnalömb kynferðisofbeldis en láta þá sem virkilega vilja vera í bransanum og þá sem vilja horfa á (löglegt) klám (ekki barnaklám, dýraklám eða öðru þröngvuðu) í friði. Með öðrum orðum, að baki þessu stendur ekki aðeins hugmyndafræðilegur ágreiningur heldur er þetta hreinlega mun líklegra til árangurs því að klám verður aldrei upprætt.

Þetta líf

Hversdagslífið er yndislegt þessa dagana. Heiðskýrt, sól og menn láta það ekki á sig fá þó að því fylgi kuldi - fá sér kakó og ganga brosandi niður Laugarveginn.
Undanfarnir dagar hafa verið mjög góðir, við Arna fórum í útskriftarveislu á laugardaginn þar sem Keðjan fagnaði því að komast í hóp stjórnmálafræðimenntaðra manna. Skemmtu menn sér konunglega. Ljóðskáldið Daði var mættur ásamt spússu sinni Heiðu, AFO mætti einnig ásamt væntanlegri barnsmóður sinni og að sjálfsögðu var badmintonstjarna Íslands (Ragna) mætt við hægri hönd Viðars. Við AFO og Daði spjölluðum um þjóðfélagsmál, þó að Daði hafi í sífellu reynt að hefja umræðu um ljóð og truflaði okkur Andra oft með sötri sínu á 2lítra jarðaberjasjeik sem hann mætti með. Stelpurnar ræddu eins og oft vill verða á þessum aldri um barneignir og íbúðir... nei,nei þær blönduðu sér auðvitað líka í þjóðfélagsumræðuna.
Arna fær sérstakt hrós, fyrir að fara út í Odda og ná þar tali af Hannesi Hólmsteini og ná að plata hann til að árita mynd af sér sem við síðan gáfum Viðari (ásamt vínrekka) vakti það mikla lukku.

------------------------------

Í gær skelltum við Arna okkur á myndina 23 með Jim Carrey, fínasta afþreying hreinlega. Ég er nokkuð vissum að það líði ekki að löng þar til Jim Carrey fær óskarsverðlaun - sem hann væri löngu búinn að fá ef að hann hefði ekki leikið í Ace og fleiri kjána (góðum) grínmyndum.

-----------------------------

Ætli það hafi rifjast upp fyrir Gerrard hvað hann kallaði Ronaldo í sumar þegar hann lét sig detta tvisvar í síðasta leik?

----------------------------

Hrós dagsins fær Hildur Björk samnemandi minn í alþjóðasamskiptum fyrir að sína fram á að það er ennþá fullt af góðhjörtuðum og heilbrigðum einstaklingum þarna úti.