Af hálfvitum - er nóg.

Það koma af og til dagar, þar sem einhvern veginn öll umræða virðist vera eintómt bull. Silfur Egils í gær endaði sem einn slíkur þáttur.
Þátturinn hófst eins og ávallt á liðnum ,,Vettvangi dagsins" þar sem REI málið óendanlega leiðinlega var til umræðu. Þar fór Þorbjörg Helga á kostum, henni reyndar til varnar þá var hún að ,,verja" sennilega einn glataðasta málstað sem til er.
Þegar það mál hafði verið rætt tók Steinunn Jóhannesdóttir við hennar sæti og gjörsamlega gubbaði upp úr sér þvælunni. Þar hélt hún því fram að breyting á húskaparlögum ( sem er í basic: í stað karl og konu, mun standa einstaklingur) mundi verða til þess að kynin gleymdu kynhlutverkum sínum. What??? Aðrir sem sátu í settinu misstu hreinlega andlitið og Katrín Jakobsdóttir (ein af þeim sem lagði fram þetta sjálfsagða frumvarp) leit út eins og hún væri að velta því fyrir sér hvort að þetta væri atriði úr þættinum ,,Tekinn" og kom varla upp orði af hneykslun. Gunnar Smári og Reynir Traustason (sem segir margt um þáttinn) voru líka kjaftstopp (kannski blessunarlega).
Þegar þessi vitleysa hafði runnið sitt skeið, kom sjálfum Meistari fíflagangsins - sjálfur Gunnar í Krossinum. Þar var hann mættur (mjög særður) til að ræða nýju Biblíuþýðinguna, sem að hans mati er mjög vond. Ef eitthvað er eins skemmtilegt og að hlusta á rökræður milli heilbrigðra og skynsamra manna við veruleikafirrta menn þá er það þegar að tveir jafn firrtir einstaklingar takast á um algjört bull - eitthvað sem hlýtur að gerast á næstu dögum. Ástæða þess er sú að Gunnar hraunaði yfir fína grænsápu þjóðkirkjuliðið og sagði að það væri ekki á valdi manna að breyta orði gvuðs þannig að það yrði jákvætt og feminískt. Það er ósk mín að Gunnar í Krossinum og Sóley Tómasdóttir mætist helst í tveggja tíma þætti og ræði málin - það væru sterkustu rök fyrir tilvist gvuðs.
Að loknu þessu Ophru-lega viðtali, var Egill orðinn hálf vankaður og tók alveg glatað viðtal við nýkjörinn borgarstjóra, sem lét auðvitað ekki sauma að sér. Í því viðtali kom nákvæmlega ekkert fram, enda eyddi Egill nánast öllum tímanum í að reyna að fá Dag til að fara út í sandkassaleik um REI málið - sem hann gerði ekki.
Það hefði verið gaman að fá spurningar um það hvað þessi meirihluti ætlar yfir höfuð að gera - en nei þær spurningar fá að bíða.

Að Silfrinu loknu var fátt meira viðeigandi en að kíkja á Liverpool bloggið og svei mér þá ef að þeir sem þar skrifa hafi ekki náð að toppa ofangreinda vitleysu. Ungir sjálfstæðismenn, trúarnöttarar, feminstar og Liverpool aðdáendur - maður verður að elska þetta lið.

Þrátt fyrir mörg ansi góð comment á Liverpool blogginu þá er comment helgarinnar:
,,Enginn flokkur er svo merkilegur að ómerkilegasta manneskjan í honum sé ekki merkilegri en flokkurinn."


Er lífið ekki dásamlegt?

3 stig til sölu

Ég hef farið ófáar ferðirnar til Akureyrar, Keflavíkur, út í Eyjar og upp á Skaga - en hef sennilega aldrei orðið vitni af annarri eins dómgæslu og í leik Everton og Liverpool!!!
Dómarinn ákvað upp á sitt eins dæmi að gefa Liverpool 3 stig í dag með eftirfarandi hætti:

1. Hvernig gat hann ekki rekið Dirk Kuyt útaf fyrir einhverja þá asnalegustu tæklingu sem ég hef séð í ensku úrvalsdeildinni?

2. Hvernig datt honum í hug að dæma fyrri vítaspyrnuna þegar brotið átti sér stað langt úti fyrir teig og hvers vegna í andskotanum tók hann svo upp gula spjaldið en ákvað svo að taka upp rautt eftir að Steven Gerrard hafði tuðað í honum?

3. Hvers vegna í ósköpunum dæmdi hann ekki hendi á Dirk Kuyt (sem átti auðvitað að vera kominn útaf) í aðdraganda seinni vítaspyrnunnar?

4. Hvernig gat hann sleppt tveimur vítum sem Everton átti að fá og sérstaklega lang mesta víti leiksins þegar að Carragher reyndi hreinlega að misnota Lescott kynferðislega?

Fyrst að Rob Styles var gert að taka út ,,bann" vegna vítaspyrnunnar í leik Liverpool og Chelsea - þá hlýtur enska knattspyrnusambandið að setja Mark Clattenburg í þriggja mánaða einangrun, öll vafaatriði féllu með Liverpool. Það verður gaman að sjá hvort að slíkt verði einnig raunin í heimaleiknum gegn Arsenal.

Ef að Liverpool hefði tap í dag, sem hefði verið réttlát miðað við eðlilegar aðstæður - þá ætti liðið fyrir höndum erfiðan útileik í Tyrklandi og svo heimaleik gegn Arsenal. Hefðu þessir tveir leikir ekki sigrast, er ég vissum Rafa hefði verið gert að taka pokann sinn. En við sitjum nú hins vegar áfram, tímabundið uppi með leiðinlegasta Liverpool lið í sögu þess félags.

Er lífið ekki dásamlegt?

Nú gjaldi guði þökk - sannleikurinn mun gjöra yður frjálsa.

Var að rifja upp skemmtilegar og snarpar samantektir á Vantrú sem bera yfirskriftina Heilagur hryllingur.
Eins og titillinn ber með sér er farið yfir hörmungarsögu kristinnar trúar í gegnum aldirnar. Þetta er auðvitað sett fram til áminningar um huggulegheit kristinna manna en oft minnir þetta hreinlega á atriði úr Fóstbræðrum eða Monty Phyton, tek nokkur dæmi (tekið orðrétt af vantru.is):


1.Stjórnendur rannsóknarréttarins voru margir afkastamiklir, tökum nokkur dæmi: Robert le Bourge misþyrmdi 183 og sendi svo á bálið á aðeins einni viku. Bernard Gui ásakaði 930 manns í einni lotu. Af þeim fóru 307 í fangelsi og 42 voru brenndir lifandi. Conrad af Marburg brenndi alla þá sem sögðu sig saklausa. Hann eignaðist marga hatursmenn sökum brjálaðrar framgöngu sinnar og var á endanum myrtur. Stundum var geðveikin slík hjá réttinum að löngu látið fólk fékk dóma og dæmi eru til um dóma 70 árum eftir andlát viðkomandi. Þá voru beinin þeirra grafin upp og þau brennd.

2. Í Munich árið 1285 voru 180 Gyðingar brenndir eftir að sá orðrómur barst til eyrna að þeir hefði blóðfórnað barni í bænahúsi sínu. Árið 1294 í Bern í Sviss voru drepnir fjöldin allur af Gyðingum fyrir meintar blóðfórnir á börnum. Síðar var byggt minnismerki um örlög þessara barna í Bern. Það var höggmynd af Gyðingi étandi börn.

3. Árið 1243 í Belitz í Þýskalandi voru Gyðingar ásakaðir fyrir að krossfesta oblátur. Síðan voru nokkur hundruð Gyðingar dæmdir og brenndir lifandi fyrir að krossfesta líkama Krists. Árið 1298 ásakaði prestur í Nürnberg Gyðinga fyrir oblátukrossfestingar. 628 Gyðingar voru þá teknir af lífi og einn af þeim var hinn þekkti fræðimaður Mordecai Ben Hillel. Sama ár leiddi bæverskur riddari að nafni Rindfliesch 6 mánaða slátrunarferð um heimahéröð sín. Hann þurrkaði út 146 þorp Gyðinga vegna slíkra ásakana. Árið 1337 voru svo allir Gyðingar í Deggendorf í Bæjarlandi brenndir lifandi, jafnt börn, konur og gamalmenni. Kaþólska kirkjan lét hróðug mála 16 olíumyndir af atburðunum. Margir komu svo pílagrímsferðir til að skoða herlegheitin í kirkju staðarins.

4. Árið 1379 í Brussel barst út sú saga að Gyðingur hefði brotið oblátu. Ekki leið á löngu að mikið ofsóknaræði rann á kristið fólk í Belgíu og næstum öllum Gyðingum var útrýmt í landinu. Allt að 500 Gyðingar á öllum aldri voru til dæmis dregnir um stræti Brussels til dauða. Hundruðir voru svo brenndir lifandi á báli.

5. ...Það er kona, er Elvira del Campo hét, sem er undir ákæru fyrir Trúverndinni í Toledo 1568 fyrir að eta ekki svínakjöt og fara í hrein nærföt á laugardögum. Hún viðurkenndi þetta hvort tveggja, en neitaði allri villutrú, svo að hún var pynduð...

6. Eitt af því afkáralegasta í krossferðunum var hvernig prestar og biskupar notfærðu sér „fundna“ helga dóma. Þannig þóttust menn finna gripi tengda biblíusögunum og síðan voru þessir gripir notaðir til æsa menn upp í óhæfuverk. Samtals þóttust menn finna yfir 17.000 muni, allt frá brenndum runna frá Móses og fjöðrum úr vængjum Gabríel erkiengils til forhúðarinnar af Jesú, og svo má lengi telja – og allt var þetta nýtt til að kynda bál krossferðanna.

7. Ein skelfilegasta herförin var barnakrossferðin árið 1212. Þá þóttust kristnir fræðimenn vera búnir að sjá að Guð myndi þyrma og vernda líf saklausra barna. Því Jesú sagði „Leyfið börnunum að koma til mín, varnið þeim eigi, því að slíkra er himnaríki.“ Þannig voru kristin börn send beint í opin dauðan í tilganglausri herför sem náði aldrei til Landsins helga. Börnin ýmist tíndust, drápust úr hungri eða féllu fyrir óvinaherjum – fyrir utan þau sem voru svo „heppin“ að vera bara seld í ánauð.

8. Þegar svartidauði lagðist sem plága yfir Evrópu árið 1348 með tilheyrandi mannfelli voru kristnir íbúar álfunnar fljótir að finna sökudólga. Töldu kristnir að gyðingar eitruðu vatnsbrunna til að koma af stað farsótt í þeirra hverfum. Fjöldamorð hófust á gyðingum í u.þ.b. 300 bæjum.

9. Heimildum ber ekki saman um fjölda þeirra sem teknir voru af lífi fyrir galdra, en tölurnar sem nefndar hafa verið hafa verið á bilinu hundrað þúsund upp í tvær milljónir. Ásakanir kirkjuyfirvalda voru yfirleitt að sú seka hafi flogið, haft mök við Kölska, breytt sér í dýr, gert sig ósýnileg eða framkvæmt djöfullega galdra. Pyntingar voru notaðar til að þvinga fram játningar og síðan var fórnarlambið brennt á báli.
Fljótlega eftir þetta gáfu rannsóknardómararnir Jakob Sprenger og Heinrich Kramer ritið Nornahamarinn (Malleus Malefiacarum), um nornir og eðli þeirra, hvernig þær tældu til sín menn í svefni, ætu börn, kæmu af stað sjúkdómum og legðu á djöfullega galdra. Í ritinu er kynlífi norna lýst og konum almennt lýst sem stórvarasömum og svikulum. Þetta pervertíska rit var síðan notað um alla Evrópu til nornaveiða með tilheyrandi galdrabrennum og óhugnaði. Galdrafárið náði þá hámarki og breiddist út til Frakklands, Þýskalands, Ungverjalands, Spánar, Ítalíu, Sviss, Svíþjóðar og síðar til næstum allra útkjálka Evrópu. Á endanum náði það til Englands, Skotlands og svo meiri segja til Massachusetts í Norður Ameríku sem var þá nýlenda.
Venjulega voru fórnarlömbin afklædd af áfergju, og hár þeirra rakað af rannsakendum, sem ávallt voru karlmenn. Samkvæmt Nornahamrinum var merki djöfulsins að finna einhvers staðar á norninni og til að finna það voru fórnarlömbin stungin með beittum sting. Einnig var leitað af földum geirvörtum, þar sem nornin saug í sig djöfulinn. Ef ekkert fannst voru fórnarlömbin yfirleitt pyntuð til játninga. Oftast var hafist handa við draga af þeim fingurneglurnar og ef það dugaði ekki var borin eldur að brjóstunum. Einnig voru oft kynfæri kvennanna misþyrmt áður en þær voru settar á pyntingarbekk þar sem fórnarlambið var brotið og síðan slitið úr liðum með hjóli og steglu. Allar voru þessar háheilögu aðfarir yfirskilvitlega svívirðilegar. Eftir að þessar raunir var fórnarlambið dregið örvilna á bálköst og brennt lifandi.

10. Brjálæðið hélt áfram fram á 18. öld. Í Skotlandi var eldri kona brennd árið 1722 eftir að hafa játað að hafa umbreytt dóttur sinni í smáhest og riðið gandreið á henni á nornasamkomu. Í Þýskalandi voru nunnur brenndar lifandi á markaðstorginu í Wurzburg árið 1749 eftir að þær játuðu að hafa með göldrum farið í svínslíki.

11. (siðaskiptin) Næstur leiks var Gústaf Adolf Svíakonungur, sem kom mótmælendum til hjálpar og hélt með her sinn til Þýskalands. Sungu þeir sálm Lúthers „Vor Guð er borg á bjargi traust“ (númer 284 í Sálmabókinni) á meðan fólki var slátrað. Á endanum náði kaþólskur her að drepa Gústaf konung. Hefndaræði rann þá á eftirstandandi her Svíakonungs; fóru þeir um í flokkum og drápu alla kaþólska bændur sem urðu á vegi þeirra...
...Fjöldamorð og endalaus átök gerðu út um þrek beggja hópa. Þrjátíu ára stríðið kostaði milljónir manna lífið. Þjóðverjum fækkaði milli 15 til 30 prósent. Hungursneyð, drepsóttir og önnur óáran fylgdi stríðsbröltinu. Eftir Þrjátíu ára stríðið var skilið á milli trúar og pólitíkur, enda hafði sú blanda haft hörmulegar afleiðingar fyrir Evrópu. Með friðarsamningunum í Westfalen árið 1648 lauk beinum afskiptum páfastóls af stjórnvöldum í Evrópu.

12.Þrátt fyrir að kaþólikkar og mótmælendur væru svarnir andstæðingar sameinuðust báðar fylkingar gegn öðrum kristnum hreyfingum. Endurskírendur (Anabaptists) höfnuðu barnaskírn og vildu heldur skíra fullveðja fólk. Þeir komu fyrst fram í Sviss árið 1525. Umsvifalaust dæmdi höfðingi mótmælenda í Zurich þá til dauða með drekkingu, enda með öllu ólöglegt að skírast tvisvar samkvæmt kristnum lögum.


Að lokum:


Taxtar fyrir kristileg böðulsverk frá Þýskalandi gefnir út af erkibiskupnum í Köln árið 1757:

1.Fyrir að rífa í sundur með fjórum hestum 5 (dalir) 26 (Alb.)

2. Fyrir að lima mann í sundur 4 (dalir)

5. Fyrir að hálshöggva og brenna 5 (dalir) 26 (Alb.)

7. Fyrir að kyrkja og brenna 4

8. Fyrir snöru og fyrir að hlaða köst og kveikja í 2

9. Fyrir að brenna lifandi 4

11. Fyrir að brjóta mann lifandi á hjóli 4

13.Fyrir að setja upp hjól,
með líkamanum undnum á því 2 52

19.Fyrir að skera af hönd eða einstaka fingur,
og fyrir að hálshöggva 3

20 Fyrir að brenna með heitu járni 1 26

22. Fyrir að hálshöggva og setja höfuðið á stöng 3 26

24. Fyrir að hálshöggva, vinda líkamann á hjóli
og setja höfuðið á stöng 5

28. Fyrir að svíða glæpamann fyrir aftökuna
með glóandi töngum, - hver holdbruni 26

31. Fyrir að negla tungu eða hönd á gálga 1 26

42. Fyrir fyrsta stig pyndingar 1 26

44.Fyrir annað stig pyndingar,
þar með talið að setja limi á eftir, með smyrsli á þá 2 26



....Ó blíði Jesú blessa þú - því himnesk er mín hreina trú!

Nánast eintóm leiðindi

Ég er veikur núna í þriðja skiptið á tæpum mánuði. Þetta byrjaði allt með slæmri bolludagsbollu sem skilaði sér í gubbupest, þá fékk ég gubbupest aftur á síðustu vaktartörn fyrir hálfum mánuði síðan og nú er ég með hita, hálsbólgu, höfuðverk og nefrennsli - þetta er orðin algjör steypa!
Ég get því lítið annað gert en að liggja undir sæng og hanga á netinu og sem dæmi um leiðindin þá hef ég fylgst með nánast öllum Manutd vs Bolton á soccernet.com enda löngu búinn með allar aðrar vefsíður í heiminum.
Verst að ég er alveg ónýtur í að gera nokkurn skapaðan hlut í náminu mínu, á m.a. að skila ritgerð á miðvikudaginn sem ég er ekki byrjaður á og svo eru óþarflega mörg verkefni og ritgerðir sem bíða.
Bið að heilsa!

Félag íslenskra Daða

Ég verð hreinlega að ýta undir snilldina sem Keðjan hefur áður benti á. Spyrja sig nú kannski margir hvort að ég standi á bakvið þetta grín og get ég staðfest að svo er ekki. Rauninni hef ég aðeins einu sinni gert síðu um Daða og sú lifði aðeins í nokkra klukkutíma uns henni við Garcia lokuðum henni, en það var minningarsíða um Daða Guðmundsson sem þótti siðferðilega röng.

Feminism hits a new low in Iceland

Í fréttablaði dagsins (fimmtudagur 8.mars) bls 50 er einhver sú fyndnasta (en um leið alvarlegasta) frétt sem ég hef séð í lengri tíma. Guðbjörg Hildur Kolbeins (sem á víst að vera doktor í fjölmiðlafræði) og maðurinn hennar hafa sent umboðsmanni barna erindi vegna ,,kláms" framan á Smáralinda bæklingi. Endilega lesið bæði fréttina og sjáið þar myndina og svo þessa fáránlegu bloggfærslu - þetta er algjörlega nýr öldudalur sem feministar hafa náð hér... kannski að markmiðið sé það sama í klámumræðunni hjá feministum og hjá Bósa ljósálfi forðum: ,, Út fyrir endimörk alheimsins"

- góð byrjun á alþjóðabaráttudegi kvenna!

Gífuryrði fjölmiðla

Í gær slógu Liverpool út hið bæklaða (sumir myndu segja lamaða) lið Barcelona úr Meistaradeildinni, en Barca eru núverandi Evrópumeistarar. Ég ætla ekki að eyða mörgum orðum í það hvað þessi leikur var leiðinlegur og raunar báðir heldur að benda á blaðagrein sem skrifuð var í kjölfarið. Í greininni kemst greinarhöfundr á flug með þá firru sem margir virðast grípa á lofti um að Carrgaher (miðvörður í Liverpool) sé besti breski varnarmaðurinn.
Tekið er til hversu miklu mun betur honum hafi gengið með Ronaldinho nú en John Terry hafi gengið í fyrra.
Fyrir því eru nokkrar góðar ástæður:
Í fyrsta lagi var Barcelona liðið að spila, ég veit ekki hvað mörgum sinnum betri bolta í fyrra og þar fór fremstur títtnefndur Ronaldinho, með honum þá tveir af betri sóknarbakvörðum heims sem ekki voru með í leikjunum tveimur, í öðru lagi eru töframennirnir Messi og Eto´o báðir nýskriðnir upp úr meiðslum og langt frá því að vera leikhæfir sem veikti sókarspilið rosalega. Í þriðja lagi spilaði Liverpool 4-4-1-1 og liðið lág aftarlega - mjög aftarlega með Sissoko og Alonso sem varnarmiðjumenn á meðan að Chelsea reyndi í það minnsta að sækja - hér eru nokkur grundavallaratriði fyrir því að Carragher sem var hrikalegur fyrri hluta tímabilsins var að spila vel, með lítið pláss fyrir aftan sig og gat skutlað sér í vandræðum.
Ástæðan fyrir því að Carragher er ekki valin í landsliðið fram yfir Terry og Ferdinand er einmitt sú að enska landsliðið spilar mjög sjaldan slíka (nauð)vörn, bæði Terry og sérstaklega Ferdinand eru miklu meiri fótboltamenn en Carragher. Ein ástæðan fyrir því að Liverpool hefur ekki gengið vel í deildinni er einmitt sú að þeir eiga engan miðvörð til að rjúka upp með boltann þegar færi gefst eða að spila honum í gegnum miðjuna þegar það er pressað - miðverðirnir sparka löngum bolta fram þegar þeir ættu að vera að byggja upp spil og boltinn fer upp í stúku þegar andstæðingurinn pressar. Auk þess hefur Terry það framyfir Carragher að hann skorar mörk upp úr föstum leikatriðum (og þá á ég ekki við sjálfsmörk eins og Carragher hefur nokkrum sinnum með mýkt og knattspyrnuhæfileikum sínum skorað).
Niðurstaðan er því sú að Carragher er fínn varnarmaður (ekki knattspyrnumaður) sem enska landsliðið á að skipta inná í nauðvörnum á stórmótum þegar England þarf að halda forystu síðustu 10mín - allt annað eru gífuryrði fjölmiðla.

...btw þá komst Manutd áfram á mjög slakri spilamennsku gegn Lille - nú hrynja leikmenn Manutd hver á fætur öðrum í meiðsli, spurning hvort að þeir hafi deildina af... veit það ekki?

Róleg kvöldstund

Ég varði kvöldinu ásamt Andrési Jónssyni og Hauk Haukssyni í Hagnaðarsetrinu. Að venju var boðið upp á veglegar veitingar. Við ræddum fjölskyldumál, húsnæðismál, fyrirtækjamál og á einum tímapunkti var umræðan farin að snúast um heilbrigðismál, ekki það að ég hafi ekki notið kvöldsins með þessum yndislegu mönnum - en þetta sýnir hins vegar hvað Barca vs Liverpool var ógeðslega leiðinlegur leikur - jafnvel leiðinlegri en ég bjóst við. Um tíma var ég búinn að gleyma að þessi leikur væri í gangi, því hann minnti frekar á æfingarleik tveimur vikum fyrir mót en fyrri leika liða í 16-liða úrslitum CL. Ég er að spá í að leggja fram kæru gegn Barcelona FC og biðja þá um að endrgreiða mér þessar 90 leiðinlegu mínútur.

Púú á Liverpool
Púú á Barca!!!

Rétt er að árétta

Ef að Þórhildur sú er ritar bakþanka í Fréttablaðinu, væri að skrifa um eitthvað annað en feminisma þá væri hún strax rekin - því get ég lofað. Pistill gærdagsins var svo yfirfullur af innhaldslausum staðhæfngum og bulli að það nær engri átt. Það er ekki í fyrsta skiptið.

Rétt er að árétta:

1.,,Reyndar er líka skipulögð hópferð á strippbúllu og einnig mun á döfinni að taka nokkrar klámmyndir í ferðinni."

Ef að Þórhildur hefði eitthvað fylgst með fréttum, skoðað dagskránna eða fylgst með viðtalinu með einum af forsvarsmönnum ráðstefnunnar myndi hún vita að hér verða ekki teknar upp neinar myndir, engin slíkur búnaður verður meðferðis og ráðstefnugestir eru framleiðendur en ekki leikarar.

2. Um konur í klámiðnaðinum ,,flestar eru háðar fíkniefnum"

Nei, það er hreinlega rangt. Þessar konur eru auk þess í stéttarfélögum, fara reglulega í kynsjúkdómapróf og borga skatta af tekjum sínum í mörgum löndum. Það er ekki í hag þessarra fyrirtækjanna að mynda skjálfandi sprautufíkla, frekar en það er í hag annarra fyrirtækja að selja skemmda vöru.

3.,,Og eins og upplýstu fólki ætti nú að vera orðið kunnugt eru einmitt sterk tengsl á milli kláms, vændis og mansals"

Þegar fólk er á móti einhverju þýðir ekki að berja höfðinu í vegg. Með sömu rökum mætti segja að það séu sterk tengsl á milli kapítalisma og þrælkunarbúða, íssölu og nauðgana o.s.frv. - það er hins vegar ekki í tengslum við raunveruleikann. Staðreyndin hefur hins vegar hingað til verið sú að mansal er einmitt tengt klámi þar sem það er bannað og neðanjarðarheimur verður til.
Til að geta bendlað einhverja við mansal, barnaklám og nauðganir þurfa auk þess að liggja fyrir ansi beinar og sterkar sannannir og hvar eru þessar sannannir á hendur þessarra 150 einstaklinga sem hingað eru að koma.
Ég er gjörsamlega sammála því að mansal og barnaklám er óþolandi, en það er til leið til að sporna gegn því og feministar þurfa virkilega að setjast niður og spyrja sig af því hvernig við leysum þetta vandamál - lykilspurning þar, er hvort að það skili meiri árangri að banna klám og vændi eða leyfa það... og svo þarf samfélagið auðvitað að hlúa betur að fórnarlömbum kynferðis ofbeldis eða þar sem félagsleg aðstaða, efnahagsstaða er svo slæm að viðkomandi sér ekki annan kost. Þá væri einmitt viðeigandi að feministar beitu sér á alþjóða vettvangi fyrir bætri lagalegri, félagslegri og efnahagslegri stöðu kynsystra sinna víðsvegar í heiminum í stað þess að velta sér upp úr ,,tittlingaskít" (eftir endaþarmsmök) eins og þessum.

4. Ég efast líka um þá fullyrðingu að mikill meirihluti kvenna í klámiðnaðinum hafi orðið fyrir kynferðisofbeldi í æsku - vinnubrögð og skýrslur feminista gegnum tíðina gera mig svo efins. Það er þó auðvitað sorglegt þegar slíkt er raunin. Lily4ever var auðvitað mjög svo sorgleg mynd, en munum að slíkt er mun ólíkra til að gerast í þjóðfélögum sem eru frjálslynd gagnvart klámi og vændi.
Bendi annars aftur á linka í nýlegum færslum hér að neðan.

,,Miðað við hefðbundna landkynningu gæti fólk ætlað að hér sé einn samfelldur næturklúbbur hvers íbúar væru að mestu fegurðardrottningar með brókarsótt sem vita ekkert skemmtilegra en að vera teknar í bakaríið af hverjum sem er. "

Annars vegar býr engin upp á sitt eins dæmi til slíka landskynningu og hins vegar er þetta saklausari landkynning en að hér búi einhverjir fasistar sem leyfa ekki fólki að ferðast frjálst. Hvar setjum við mörkin?
Eru fólk með aðra skoðanir, hefðir, litarhátt, kynhneigð einnig óvelkomið. Karlrembur og menn sem segja klámfengna brandara? Höfundur Rauðu seríunnar? Framleiðendur fullorðins leikfanga?
Nei, þetta er pólitísk nauðgun að hætti feminista og ég læt ekki bjóða mér svona rugl!
Er ekki komið nóg af þessum staðhæfingum sem eiga litla sem enga stoð í raunveruleikanum?

Púú á feminista!
og púú í þetta skiptið á Ingibjörgu Sólrúnu!

Rétt er svo að benda á orð Eiríks Bergmanns:

Það er hins vegar ekki hægt að banna fólki að koma til landsins ef það hefur ekkert brotið af sér hér á landi. Klámframleiðsla er víða lögleg, en bönnuð á Íslandi. Fyrr en þetta fólk brýtur íslensk lög hér á landi geta yfirvöld ekkert gert til að banna fundi fólksins hér á landi.

ES: Einhverjir hafa spurt sem svo: hvað myndum við gera ef eiturlyfjasalar eða vopnasalar myndu boða ráðstefnu hér á landi. Svarið við þeirri spurningu er það sama og á við um klámráðstefnuna. Væru slíkir menn ekki eftirlýstir í ríkjum sem við eigum í lögreglusamstarfi við þá væri ekki heldur hægt að banna fund eiturlyfjasala eða vopnasala nema þeir yrðu uppvísir af því að stunda eiturlyfasölu eða vopnasölu hér á landi.


Lifið heil, skynsöm og laus við kreddur og öfgafullar skoðannir.

Frúin í Hamborg

Þar sem menn voru ekki á eitt sáttir með Liverpool pistil minn væri fróðlegt að sjá hvað þeir myndu gera ef að þeir væru Rafa Benitez og fengu 40 milljónir til að eyða í sumar. Mönnum er svo sem frjálst að skipta mönnum út, en þeir uppljóstra auðvitað fávisku sinni á knattspyrnu ef að þeir ætla að skipta á Crouch og Ronaldhino eða að selja Pennant til Real fyrir 35 milljónir punda - sem sagt reynum að halda skynseminni.

Sjálfur myndi ég vilja sjá (með varakost inn í sviga, því að það er ekki hægt að nálgast alla):

Sala:
Crouch 10 milljónir
Pennant 5 milljónir
Riise 5 milljónir
Gonzales 3 milljónir
Aurelio 3 milljónir
Bellamy 8 milljónir
Palletta 3 milljónir
Pongolle 3 milljónir
Sissoko 5

Sala: 45 milljónir + 40 milljónir = 85 milljónir

Fowler og Zenden - free transfer

Kaup:
Eiður Smári 8 milljónir
Duff 8 milljónir (ef ekki Duff þá Robben á 10 milljónir)
Toure 12 milljónir
Clichy 8 milljónir (ef ekki Clichy þá W.Bridge 6 milljónir)
Barton 10 milljónir
Heinze 8 milljónir (ef ekki Heinze þá Glen Johnson 7 milljónir)
A. Lennon 15 milljónir
R.V. Nistelrooy 10 milljónir
P.Neville 6 milljónir (sem ruslakall sem skilar ávallt sínu, hvort sem er í V eða H bakverði - reyndar mjög ólíklegt að hann myndi samþykkja það.)

Samtals 85 milljónir og allt menn sem hafa sannað sig í ensku deildinni.

Hvað segið þið?