Tíska - svölustu íþróttaskór í heimi.

Ég er mikill talsmaður þess að viðhalda barninu og blökkumanninum í sér og ef að maður getur gert það á smekklegan hátt að þá er það hið besta mál. Bloggsíðan KicksOnFire er gjörsamlega málið þegar að kemur körfubolta/strigaskóm og tísku - síðan hypebeast er ekki ólík nema að þar er farið örlítið út fyrir skórammann.

Þeim sem vilja koma mér á óvart bendi ég á tvö pör af virkilega huggulegum skóm:

1. Nike Kobe Zoom II

















2. Converse 100th Anniversary All Star Weapon Leather Hi (sem eru vonandi í framleiðslu):





















Er lífið ekki dásamlegt?

Trú - karfa - stjórnmál - tónlist og knattspyrna

Trú: Af hverju kemur meintur ógeðis perraskapur prests manni aldrei á óvart? Minnir mig alltaf á Fóstbræðraatriðið ,,Guð mun fyrirgefa mér". Það að Þjóðkirkjan skuli svo reka einskonar kynferðisbrotadeild eins og einn bloggari á Eyjunni bendir á, það segir allt sem segja þarf.

Karfa: Lakers búnir að taka fyrsta leikinn gegn Utah. Vona að Lakers mæti Hornets svo að menn geti séð hvor eigi skilið að vera valinn MVP... Kobe eða Chris Paul. Chris Paul var góður gegn Spurs en ég er vissum að hann verður sem barn í höndunum á Bryant ef að nr.24 tekur að sér að dekka hann.

Stjórnmál: Ég hef sjaldnast samúð með mönnum með bjánalegar skoðanir, en ég kenndi í brjóst um Ragnar Arnalds þegar hann reyndi með veikum mætti að fela þjóðrembu sína og fordómafulla andúð á Evrópusambandinu og var rassskelltur af Jóni Baldvini í beinni í Silfri Egils (sjá frekar seint í þættinum).

Tónlist: Styttist í hip hop þemafærslu...


Knattspyrna: Chelsea tókst að klára af Newcastle og því er staðan akkúrat eins og allir vilja hafa hana - þetta ræðst í síðustu umferð. Þetta er ekki búið ennþá.

Er lífið ekki dásamlegt?

Stjórnmál - Körfubolti - Hiphop

Stjórnmál: Obama er kominn aftur á skrið eftir sigur í nótt í fylkinu sem ,,S" mæltir elska... Mississippi. Á laugardaginn vann hann Wyoming og svo bárust loks fréttir af því áðan að hann hefði unnið Texas (Caucuses). Hann er því kominn með 130 fulltrúa forskot og staðan er orðin þannig að Hillary þarf að fara að vinna ríkin sem hún er talin líkleg í með einhverjum 25-30% mun til að jafna hann áður en flokksþingið fer fram þar sem flokkurinn ákveður frambjóðanda (þ.e. ef að kjósendur ná hvorugum frambjóðandanum upp í 2025 fulltrúa, eins og þarf til að vinna).
Hillary er heldur ekki að gera sérstakt mót, hvorki fyrir sig né Demókrataflokkinn því að hún sagði nýverið að hún treysti McCain betur til að taka við embætti forseta en Obama en samt vill hún gera Obama að varaforseta fyrir sig - þannig að hún er ekki bara að gera Republikönum greiða heldur sína fram á að hún sé ekki hæf til að velja ef að henni er alvara með þessu bulli sínu. Þetta er ekki síður merkilegt.
Nú tekur hins vegar við eins og hálfs mánaðar ,,hlé" því næst verður kosið í Pennsylvania þann 22.apríl en þar er Hillary talin sigurstranglegri en mun væntanlega (ef að hún vinnur) ekki vinna með nema rétt um 10% mun, en 6 vikur eru langur tími í stjórnmálum og ýmislegt getur gerst.

Körfubolti: Djöfull er gaman að horfa á Lakers. Sá þá í nótt vinna Raptors 117-108 þar sem sóknarleikurinn var í fyrirrúmi (hér ættuð þið að geta séð klippu úr leiknum). Varnarlega er Lakers mjög slakt en sóknarlega gengur boltinn eins og hjá Pheonix og til marks um það er 46.9% 3-stiga skotnýting í kvöld (15-32) og þvílíkt Show. Odom er líka að koma vel út eins og ég hef áður sagt og er með 63% skotnýtingu í síðustu 17 leikjum (til samanburðar þá var Shaq með undir 60% hjá Lakers og gerði samt varla annað en að troða) og ekki nóg með það, hann virðist vera að verða meðvitaðri um að hann má sýna meira og vera harðari - það væri heldur betur huggulegt ef að hann færi að verða ákveðinn drengurinn. Gasol var rólegur í kvöld en spilið fór auðvitað mikið í gegnum hann. Kobe með 34 stig, 7 fráköst og jafn margar stoðsendingar, en var samt eitthvað pirraður - þrátt fyrir það var hann langbestur á vellinum. Það er svo yndislegt að sjá hann taka skorpur, spilar með félögum sínum en um leið og það hikstar þá klárar hann 3-5 sóknir í röð, tók t.d. 3 þrista í röð í byrjun þegar að liðið var að vakna (60% skotnýting hjá Kobe og 50% úr þriggja í kvöld)
Minn maður er samt Turiaf, þvílík leikgleði. Lakers voru nokkrum stigum undir í öðrum leikhluta og það leit út fyrir erfitt kvöld en þá kemur Turiaf inn og setur stig, tekur fráköst, blokkar skot, gefur stoðsendingar og smitar þannig frá sér að Lakers snéru blaðinu við. Annars voru allir að skila einhverju, sem skiptir máli - að undanskyldum Radmanovic sem átti ömurlegt kvöld.

Hiphop sampl dagsins: Get Out of My Life Woman - Joe Williams (ef að þið elskið ekki þessa upprunalegu klassík þá hafið þið ekki svarta sál)
Fylgist vel með, því að næstu daga mun ég birta hiphop lista Krissa a.ka. Kris Kristofferson, en ég efa að það sé til sá maður í Breiðholtinu sem hafi víðtækari þekkingu á hiphop-i og ég er vissum að hann einn myndi vinna alla lesendur þessarar síðu saman ef að til væri ,,Hiphop Trivial". Ég get lofað því að listinn mun rifja upp margar góðar minningar fyrir þá sem hafa hlustað lengi og fyrir hina er þetta kærkomin frelsun frá því drasli sem heyra má dags daglega.

Er lífið ekki dásamlegt?

Punktar

Jæja hvað segið þið?
Hvað er málið með þennan snjó... er þetta ekki komið gott?

Knattspyrna: Dreymdi í gær að Liverpool vann Inter í Meistaradeildinni og það hefur gerst áður. Man að minnsta kosti að mig dreymdi að Liverpool myndi vinna Barcelona - fyrst var hlegið og svo var grátið.

Hvað er annars málið með þessa portúgölsku nýlendu hjá United? Auðvitað fagnar maður komu sterkra manna hvaðan af að úr heiminum en hvernig ætla þeir að spila öllum þessum leikmönnum utan Evrópu? Nýjasti liðsmaðurinn er ungur Brassi að nafni Rodrigo Possebon sem verður 19 ára í febrúar, er samkv. lýsingum stæðilegur varnarsinnaður miðjumaður og samkv. sumum fréttum með tvöfalt ríkisfang sem miyndi henta mjög vel. Hann er strax kominn með fast númer hjá aðalliðinu og einhverjar líkur eru á að menn geti séð hann í kvöld í leik með varaliðinu. Hann hittir fyrir Brasilíumennina okkar Anderson og bræðurna ungu Fabio og Rafael - að auki geta þeir talað mál sitt við Nani, Ronaldo og aðstoðarþjálfarann Queiroz og svo mun Angólamaðurinn Manucho sem er í eigu United væntanlega koma í sumar og er þá óupptalinn hinn argentínski Tevez. Hvernig United mun dreifa álaginu á þessa menn á næstu árum er stórt spurningarmerki enda Manucho elstur af þeim 24 ára og Brasilíumennirnir allir undir tvítugt.

Karfa: Blekið af félagsskiptapappírum Gasol var rétt þornað þegar að gömul hetja kemur aftur yfir á Vesturströndina. Shaq í Suns - hvað segja menn við því? Það hefði nú verið viðeigandi að fá tröllkallinn aftur heim í eins og einn titil en jörðin sennilega of sviðin til að slíkt gæti gerst.

Sjónvarp: Horfði á síðasta þáttinn af Pressu í gær og verð að viðurkenna að ég hafði bara ágætlega gaman að þessu. Heimilisfrúin var reyndar ekkert yfir sig hrifin af leikrænum hæfileikum sumra... sem er ansi hart komandi frá aðdáanda Nágranna.

Stjórnmál: Menn eru ekki á eitt sáttir varðandi framhaldið hjá Demókrötum sem sýnir sig kannski best í þessum tveimur færslum á freedomfries og hjá Frðjóni og bláu appelsínunum.
Spennan helst áfram og maður fær þá einhverjar vökunætur í viðbót - vonandi endar þetta í faðmlögum og að sá sem lendir undir taki að sér að verða varaforsetaefnið.

Tónlist: Sögusagnirnar magnast um komu Dylans, ég reyni að halda mig á jörðinni. En hversu magnað væri það?
Sá ,,Dylan" myndina I´m not there. Mæli ekki með henni nema fyrir þá sem vita eitthvað um Dylan og eru hrifnir af artífartí - ágætir kaflar þó og leikararnir mjög fínir. En ég veit það ekki, Dylan eru jú alltaf bestur sem hann sjálfur og enginn syngur hann heldur betur. Leikstjórinn á víst að vera trylltur Dylan aðdáandi - spurning hvort hann hefði ekki átt að láta 1000 persónuleika Dylans vera og einbeita sér fremur að textunum og skýrskotunum þeirra í söguna en það hefði auðvitað orðið allt önnur mynd, mun meiri heimildarmynd en leikin ævisaga... er einhver einhverju nær? Sennilega ekki, er það ekki viðeigandi?

Jæja komið gott í bili...

Er lífið ekki dásamlegt?