Síðasti móikaninn

Ég vaknaði með slæma tilfinningu í maganum í morgunn. Það á sér reyndar lengri aðdraganda en ég hef náð að bæla þessa tilfinningu niður í þónokkurn tíma. Ástæðan er Meistaradeildin. Knattspyrna er ekki ólík hverju öðru fyrirbæri, hún kemur og fer í sveiflum. Þegar við lítum yfir sigurvegara síðustu 20 ára má beinlínis sjá sveiflurnar.

1.Frá 1988-1992 er skemmtilegt tímabil. Milan liðið gjörsamlega stórkostlegt með Hollendingana þrjá og Barcelona með skemmtilegt lið. Undantekningin Crvena Zvezda

2. Frá 1993-1997 er leiðinlegt tímabil. Marseille, Milan, Juventus, Dortmund - allt varnarlið. Undantekningin Ajax (OK 4-0 úrslitaleikurinn Milan vs Barca - en það var bara einn leikur)

3.Frá 1998-2002 skemmtilegt tímabil. Real Madrid þrisvar, Manutd einu sinni - þvílík sóknarlið. Undantekningin Bayern Munich.

4. Frá 2003-???? leiðinlegt tímabil. Milan, Porto og Liverpool - allt varnarlið. Undantekningin Barca í fyrra.


Í ár eru nánast öll skemmtilegu sóknarliðin dottin úr keppni.... Barca, Real, Arsenal, Inter og Lyon. Fyrir utan Inter er Manutd eina liðið af þessum sem hefur vott af varnargetu og eina skemmtilega liðið sem er eftir í keppninni. Mín slæma tilfinning er sem sagt sú að Manutd detti út í kvöld.

Þá fáum við Bayern vs Roma
og Liverpool vs Valencia
... það er eftir öllu í þessari keppni

Í úrslitum mætir Liverpool þá annaðhvort Roma eða Bayern - og ég fullyrði það hér með...
Bayern er eina liðið sem getur sigrað Liverpool í þessari keppni vondra liða.
Legg ég jafnframt til að Barca, Real, Arsenal, Inter, Lyon, Manutd, brasilíska landsliðið og hið portúgalska hrindi af stað 8-liða æfingamóti sem gæti átt sér stað á sama tíma og undanúrslitin og úrslitaleikurinn í Meistaradeildinni - svona til að stytta FÓTBOLTA áhugamönnum stundirnar!
Það eina jákvæða við þetta ár er að það styttist í skemmtilega knattspyrnusveiflu samkvæmt 20 ára sveiflunni.

Hvað er að gerast?

Hún stóð stutt þessi bjartsýni mín og gleði með lífið.
Menn þurfa ekki nema að fletta blaðinu til að nánast sturlast úr ógeði!
Hvað er Steingrímur J. að spá með því að vilja netlögreglu? Er ekki allt í lagi?
Hvernig væri að fara að skoða aðeins stjórnarskrána, og velta fyrir sér hugtökunum lýðræði og mannréttindi?
Þetta er ógeðfellt ástand, ógeðfellt. Ríkisstjórnin er fallin og mun væntanlega falla.
Þá skil ég ekki alveg afstöðu núverandi minnihluta, heldur hann virkilega að Ólafur R. Grímsson muni ekki veita Sjálfstæðisflokknum (sem væntanlega heldur sínu fylgi og bætir jafnvel við það) umráð yfir stjórnarmyndunarferlinu til að mynda nýja ríkisstjórn. Halda vinstri grænir að ef að Sjálfstæðisflokkurinn tali við Samfylkinguna að þá muni hún ekki hoppa með?
Það er í rauninni sorglegt hvað Sjálfstæðisflokkurinn hefur slæma valkosti. Framsókn væntanlega útilokað þar sem flokkurinn er að hverfa. Frjálslyndir koma ekki til greina að mati Geirs H. Haarde - en auk þess hafa þeir varla fylgi í slíkt eftir kosningar. Þá standa eftir Samfylking og VG, ég held reyndar að Geir H. Haarde (eins og ég hef sagt áður) muni ganga framhjá ISG til að ganga frá hennar pólitíska lífi. Þá stæðum við uppi með Sjálfstæðisflokkinn og VG. Hugsið ykkur Björn Bjarnason og Steingrím J. Sigfússon saman í stjórn. Netlögregla, leyniþjónusta og almennt lögregluríki. Nixon og Stalin saman í sæng - nei andskotinn!
Vonandi að Jón Baldvin og hægri kratar myndi frjálslyndan jafnaðarmannaflokk með umhverfissinnaðar áherslu - það er jafnvel Sjálfstæðisflokknum lífsnauðsynlegt og kannski spurning um að lána menn:)
Jón Baldvin og Margrét Sverrisdóttir er allt í einu farið að hljóma vel í mínum huga - sérstaklega þegar Samfylkingin og VG eru búin að skíta á sig svona gjörsamlega. Held að við hinir landlausu hægri kratar munum frekar kjósa þau en Samfylkinguna.

Hvað sem það kostar!

Áðan sagði Steinunn Valdís í Silfri Egils, ,,þar sem er vilji þar er vegur" varðandi grundvallarlög landsins er varða lýðræði og frelsi. Með öðrum orðum lokum á klám, hvað sem það kostar.
Þetta varð til þess að ég mun ekki kjósa Samfylkinguna í vor.
Klámráðstefnan og umræðan um klám snýst nefninlega alls ekki um að vera með eða á móti klámi heldur hvort fólk sé með eða á móti frelsi. Þegar Steinunn Valdís heldur á lofti þessari heimskulegu skoðun, þá leggur hún jafnframt til að slíkt eigi við um allt annað t.d. ef að það er vilji til að fangelsa útlendinga án dóms og laga þá er það í lagi, að loka landinu fyrir ferðum fólks, til að þagga niður í skoðunarfrelsi jaðarhópa, trúfrelsi þeirra sem ekki eru í þjóðkirkjunni o.s.frv.
Það sjá allir að þetta eru grundvallar mannréttindabrot, menn hamast með öx fordómana á einni af stoðum lýðræðisins og voru menn jafnvel á því að taka upp sömu stefnu og Kína varðandi internetið, að loka ákveðnum síðum - hvað er að gerast?

Hvernig er það annars með þessa stjórnmálaflokka?

Framsókn og Frjálslynda getur maður ekki kosið vegna and-málefnanlegrar stöðu. Framsóknarflokkurinn stendur fyrir afturhald og höft, Frjálslyndir daðra við rasisma en eru skoðanalausir í mörgum málum og hreinlega í forystukrísu, Vinstri Grænir hafa lýst sér sem feminískum flokki og Samfylkingin er hreinlega orðin það sem margir hafa viljað stimpla hana - feminískur kellingaflokkur, Sjálfstæðisflokkurinn er stríðsaðili og stóriðjuflokkur sem hyglar stóreignarmönnum. Ætla allir að skíta á sig? Ég mun skila auðu ef eitthvað breytist ekki.

Flaggað í hálfa - sorgardagur í sögu íslenska lýðræðisins

Bændur, feministar og kirkjan taka ákvörðun fyrir þjóðina og skerða ferðafrelsi.
Megi þau kafna í sinni forsjárhyggju.

Róleg kvöldstund

Ég varði kvöldinu ásamt Andrési Jónssyni og Hauk Haukssyni í Hagnaðarsetrinu. Að venju var boðið upp á veglegar veitingar. Við ræddum fjölskyldumál, húsnæðismál, fyrirtækjamál og á einum tímapunkti var umræðan farin að snúast um heilbrigðismál, ekki það að ég hafi ekki notið kvöldsins með þessum yndislegu mönnum - en þetta sýnir hins vegar hvað Barca vs Liverpool var ógeðslega leiðinlegur leikur - jafnvel leiðinlegri en ég bjóst við. Um tíma var ég búinn að gleyma að þessi leikur væri í gangi, því hann minnti frekar á æfingarleik tveimur vikum fyrir mót en fyrri leika liða í 16-liða úrslitum CL. Ég er að spá í að leggja fram kæru gegn Barcelona FC og biðja þá um að endrgreiða mér þessar 90 leiðinlegu mínútur.

Púú á Liverpool
Púú á Barca!!!