Orð Scholes fordæmd í heimi samkynhneigðra

Talsmenn kristinna samkynhneigðra bóksstafstrúarmanna víðsvegar í Suður-Evrópu og Suður- Ameríku hafa fordæmt orð knattspyrnumannsins Paul Scholes og krafist þess að hann biðjist afsökunnar á þeim. Í Portúgal hafa menn brennt breska fána, víða hafa rauðhærðir verið barðir til óbóta og samkynhneigðir hárgreiðslumenn á Mallorca hafa neitað að klippa Englendinga.
Aðgerðanna má rekja til fyrrnefndra orða Scholes sem hann lét falla í leik Manutd og Benfica sem voru orðrétt ,,Hvernig væri dómari, ef að þessir menn myndu reyna að standa í lappirnar í eins og 2-3 mínútur áður en þeir fara að velta sér áfram um að ástæðulausu - það mætti halda að við værum að spila gegn Arsenal". Þótti þetta punchline afar óviðeigandi og sagði talsmaður Portugal Maricone Iglesia í Lissabon að það yrði ekki liðið að landar hans í Benfica og samkynhneigðir menn almennt yrðu bendlaðir við siðlausu Sódómu hommatittina í Arsenal - yfirklerkur samkynhneigðra kristinna manna í Bandaríkjunum sagði að það væri best fyrir Scholes að halda sig frá San Francisco.



Portúgalskir hárgreiðslumenn brenna breksan fána í mótmælum dagsins þar sem tæplega 100.000 manns höfðu safnast saman.

Sturlun á Fréttablaðinu?

Ég veit ekki hvort ég átti að hneykslast, gráta eða hlæja þegar ég las Fréttablaðið ,,grein" á bls 16. Hlátur varð þó að lokum fyrir valinu, en ég velti því fyrir mér hvort að ég væri að lesa grunnskólablað eða hvort að dálkurinn ,,Kenning" sé eitthvað nýtt fyrirbæri þar sem Baggalútur fær að tjá sig (veit það einhver?) - ástæðan er eftirfarandi ,,Kenning" sem ég birti orðrétt:
,,Hver er með mesta vesenið í heiminum í dag? Jú, múslimar, gyðingar og Bandaríkjamenn. Hvað eiga þessir hópar sameiginlegt? Jú umskurðinn. Þar sem að umskornir eiga í mestu basli með að fróa sér - umskurður var m.a.s. innleiddur í enskumælandi löndum í forvarnarskyni gegn sjálfsfróun á 18.öld - má auðveldlega setja fram þá kenningu að öll heimsins ógæfa stafi af þessum umskornu mönnum sem geta ekki fengið útrás á annan hátt með þessu endalausu veseni" -glh

HVAÐ GENGUR HÉR Á HJÁ VÍÐLESNASTA BLAÐI LANDSINS???
Blaðamanni þykir greinilega ekki væntum starfið sitt, nema að þetta sé Baggalútur og þá er þetta mjög fyndið sem það er reyndar hvernig sem á það er litið.
Minnir mann á þetta ógleymanlega atriði!

Matarboð (úr draumi)

Waits mælti ,,Við erum saklaus er okkur dreymir”
en Dylan finnur ekki áttina heim sama hvað hann reynir
og eigrar um hljóðlaust lokaður inn í skel - sjálfan sig því leynir
og Guð almáttugur bölvar okkur þrem ,,Djöfull eruð þið seinir”.
En Dylan mælir glottandi um hæl ,,Guð, ég skal leyfa þér að vera í mínum draumum, ef ég má vera í þínum”

Guð mælir á móti ,,Ert þú einhver postuli úr postúlíni?
Ert þú kominn alla þessa leið í tómu gríni?
Með sótölvað - bölvað skáld sem lyktar af óvígðu víni,
þú ættir ekki að fara með þessa spurningu í helvíti og spyrja Mussolini,
því að flestir draumar hans eru hrein martöð í það minnsta í augum mínum”

En Cohen kallar ,,er okkur ekki alla að dreyma ást?
Og er hið illa ekki hið góða sem hefur þurft að berjast og þjást?
Sem vill hefnd og hafa sigur eftir að hafa þurft að kljást,
eins og á tuttugustu öldinni svo berlega sást
og sést enn hjá þeim sem ekkert hafa af því lært”

Og Gunnar Dal bætir við ,, Hin dýrasta reynsla okkar verður engum kennd...”
og bakvið Guð gjægist Jim og skýtur inn ,,This is the End”
og Gunnar heldur áfram ,, svo gamli maður, veittu hinum ungu ei vernd,
það að halda að þeirra kynslóð sé yfir aðrar hafnar, er ekki ,,trend,
so my dear old friend” leyfðu raunveruleikanum að skína á þau skært”

Og Megas tautar ,, hvurn andskotann er ég ,,Um44” að gera hér,
tja finnst´etta er svona... the more the merrier”
og Jónsi tekur falsettu ,,með beyglað der”,
og Megas mælir,, hver er svona djöfulli ,,skver”....
ef ég er með minn eiginn super – hjálpræðisher
þá reddið mér ,,böns of moní” ég verða lifa af”

Ginsberg hefur upp rausn sína ,,Ameríka ég hef gefið þér allt”
og Garcia glottir og mælir ,,margfalt allt þá hallt malt er kalt – kynkalt?”
Og Þremill þyrniber öskrar ,,brunbretti! Svaka svalt”
og Andri sleikir Hitlershárið og segir ,,Kaffi ávallt!
og kannski indverskt kryddte og eitt... crossand” (með frönskum hreim)
og stúderar svo franska heimspekinga sem eru róttækir og reykja skaf.

Jesú hvíslar að Megasi ,,Ég skal breyta kranavatni þínu í vín”
og Dylan segir ,,ég er blanda af Woody Guthrie og James Dean”
og Haalande á hækjum segir ,,ég er að leita að Keane”
og maðurinn með ljáinn segir ,,Jesú ég er kominn að leita þín - nei grín”
og Megas stendur upp og segir ,,afsakið mig á meðan að ég æli”

Megas sest og segir við Garcia ,,settu textana í mail eða e-mail”
og Stiglitz við Davíð ,,það er ekki í þér nein hagfræði(heila)brú heil”
og Roy Keane birtist, segir ,,fail to prepare –prepare to fail”
og Nelson Mandela brosir og segir ,,Hey, I´m going back to jail”
og Garcia segir ,,jail ó!, J-Lo, Jay L(en)o?” og glottir.

Nietczhe birtist eins og forðum og mælir ,,GÖD ER DÖD”
og Megas syngur ,, ég á mér tröð, ég á mér tröð, ég á mér ma a a a a aa artröð”
og svo fellur allt í ljúfa löð
lognið á undan storminum Ó gvöð!
Jakob veinar ,, viltu keyra í flýti upp á bækistöð
Æ Daði með hraði, því augnskaði... Ó hvílík pína og kvöð”...

Lifi Baggalútur

Þrífarar dagsins
Meira af trúarbrögðum

There's a dyin' voice within me reaching out somewhere

Bob Dylan hlýtur að vera með leiðinlegri mönnum sem hægt er að taka viðtal við og hér er eitt úr 60 minutes - en djöfull er hann töff!

Í öruggum höndum

Hversu mikið fífl getur einn maður orðið?
Svona mikið!

Fréttir af bestu hljómsveit í heimi

Á heimasíðu bestu hljómsveitar í heimi má finna link frá 17.september með ýmsum sniðugum remixum af lögunum þeirra. Bera þó tvö af að mínu mati annars vegar Hoppípolla og hins vegar guðdómlegt untitled #1 a capella með ,,kórnum" vocal infusion sem er algjör skyldu hlustun, beinlínis andleg skyndi fullnæging - ég er vissum að Páfinn og Sjeik Abubukar Hassan Malin myndu fallast í faðma ef að þeir hlustuðu á það saman.
Guð blessi drengina okkar í Sigur Rós.

Trúar-brögð í tafli

Mönnum víðsvegar um heim hefur verið tíðrætt um trúmál að undanförnu og sitt sýnist hverjum. Skiptast menn að því er virðist í hópa, annars vegar þeir sem bölva Páfa og hinir sem hneysklast á viðbrögðum ofsatrúar múslima.
Ekki ætla ég frekar að ganga þann troðna veg saurkasts heldur benda á viðtal við Magnús Þorkel Bernharðsson á Rás 2 í dag (á milli 18:30-19) en seinni hlutinn verður spilaður á morgunn.
Þar talar hann um tengingu milli stjórnmála og trúarbragða í Bandaríkjunum, en eins og glöggir lesendur muna fjallaði ég örstutt um fyrirlestur hans um sama efni 11.september.
Myndin hér að ofan lýsir svo í tímaröð heimsendakenningu áðurnefnds John Darby en sú kenning nýtur mikillar hylli í Bandaríkjum (eða um 40% manns sem samþykkir hana... ,,trúir henni") sem er verulegt umhugsunarefni fyrir þá sem eru ekki skítsama um þennan heim sem við búum í. Fólk sem trúir þessum þvættingi eins og ég vill kalla hann, trúir því að endalokin nálgist og hungursneyðir, plágur, náttúruhamfarir og ófriður séu vitni um það og líta svo á að Sameinuðu Þjóðirnar séu satanískar því að þær séu að reyna að stuðla að friði þegar (að þeirra mati) þetta er aðeins þróun og vilji Guðs - það þarf ekki að koma mörgum á óvart að fylgjendur trúarinnar búa flestir í Suðurríkjunum.
Fyrir ykkur hin sem haldið uppi kristinni barnatrú og aðhyllist orð Páfa, þá væri rétt að líta sér nær og ég bendi á tvennt:
1. Samantekt á morðum Guðs samkvæmt Biblíunni
2. Fermingarvers vantrúar

Lifið heil og Guð blessi ykkur!

Því þótt þú gleymir Guði, þá gleymir Guð ekki þér

Það hefur varla farið framhjá neinum sem fylgst hefur með fréttum að trúarofstæki þykir töff nú um stundir. Í tilefni af 11.september nú nýverið ákvað trúarlegur leiðtogi Bandaríkjanna og ,,leiðtogi hins vestræna heims " að minna okkur á að við erum í stríði fyrir okkar siðmenningu og baráttan er við Íslamska fasista.
Ratzinger sem áður var yfirmaður Rannsóknaréttsins en við þekkum betur nú sem Benedict páfa gat ekki verið minni maður og mælti því fyrir hönd kaþólikka að Múhammeð spámaður hafi innlimað slæma og ómanneskjulega siði t.d. með útbreiðslu trúarinnar með sverði og ákveður svo að hafa vitið fyrir þeim en skýtur sig sjálfan í fótinn með því að segja ,, Hver sá sem vill boða trú, þarf að vera orðheppinn og skynsamur en ekki beita ógn og ofbeldi" Aldeilis orðheppinn pápi og ekki fékk hann viðurnefnið ,,varðhundurinn" fyrir að beita ekki ógn og ofbeldi. Ekki fannst honum heldur viðeigandi eftir þessa 600 ára gömlu tilvitnun að rifja upp blóðuga sögu kristinna manna síðan þá krossför gegn Islam, rannsóknarréttarins, nornaveiða, siðaskipta eða helfararinnar sem var réttlætt þar sem gyðingum var kennt um dauða Jesú, nei það var óþarfi.
Þá var komið að okkar manni í Sómalíu, Sjeik Abubukar Hassan Malin sem hvatti múslima til að myrða Páfann og einhverjum álíka skynsömum fannst rétt að brenna eins og nokkrar kirkjur.
Nú er beðið eftir viðbrögðum frá Gyðingum og Hindúum - talsmaður Búddista er hins vegar að sögn ritara síns ekki líklegur til að leggja neitt til málanna þar sem hann liggur undir Bodhi tréinu og reynir að öðlast Nirvana.
Ég hef mitt til málanna að leggja í þessa umræðu sem erfitt er að toppa, og það á jafnt við um deilendur og ykkur skynsemishyggju heiðingjanna sem að þessu hlóguð:

Aðferðafræðileg ástarsaga úr Odda (tileinkað Tómasi og baráttu okkar sumarið 2004)

Hvað er betra að kveldi dags
en kavíar og kampavín
við ilheitan arin og aðferðafræðiglósur
með T- og Z-gildin sín

Því aðferðafræðin hún minnir á þig
-ég man er hjá þér ég sat
við reiknuðum og ræddum um
Kendalltá, Öryggisbil og Kíkvaðrat

Ég man enn hve mjög þú táraðist
er af tölfræðingi var það tjáð
að hin fagurskapaða frumbreyta
væri þó forlögum háð

Þú raukst út í reiði með raðstig mælinga
og raðbreytuglósur í hönd
ég sá það ekki þá, en sé það nú
þetta voru aðeins tvö óháð sýndarsambönd

Tómas ég elska þig.

Ev´rybody's gonna jump for joy.

Var búinn að gleyma þessu. Fyrir þá sem halda að 13,5 metrar séu ekki hátt þá skora ég á ykkur að hoppa næsta sumar, nema ef að þið heitið Tómas og vælið eins og pussur yfir ekki neinu.

Super Sunday

Tveir risaleikir á morgunn eins og öllum er ljóst. Chelsea vs Liverpool og Manutd vs Arsenal.
Ég hallast að jafntefli á Brúnni en að mínir menn lúti í gras Í leikhúsi draumanna.
Best væri auðvitað fyrir mína menn að vinna og ef að Chelsea myndi líka vinna og þó jafntefli væri gott. Það væri fínt að losna við Arsenal og Liverpool en það er óskhyggja fremur en að það muni gerast.
Hjartað byrjaði að pumpa hraðar þegar ég sá þetta Video, langaði til að berja einhvern eftir það:
http://www.youtube.com/watch?v=QRU-PvZs7og

Verst að margir af þessum mönnum hafa haldið annað og margir meiddir maður mun sakna eftirfarandi viðureigna, með þar tilgerum fólskubrotum:

Keane vs Viera
Scholes vs Viera
P.Neville vs Viera
Heinze (meiddur) vs Ljungberg


Neville vs Reyes
Nistelrooy vs tja Arsenal
Silvestre vs Bergkamp
Stam vs Bergkamp
Rooney vs Cambell
Saha vs Cambell
Caroll vs Henry
Ronaldo vs Henry (væntanlega meiddur)
Manutd vs Lehman
Rooney vs Pires
Neville vs Pires
Solskjær vs A.Cole
Nistelrooy vs A.Cole
Ronaldo vs A.Cole
Keane vs A.Cole
Til að nefna nokkur skemmtileg augnablik á allra síðustu árum.
Svo má fara aftur í Shcmeichel vs Wright o.s.frv.
Spurning hvort að Rooney vs Gallas og Ronaldo vs Eboue geti bætt það upp?

Ég verð hins vegar ekki viðræðuhæfur þegar Manutd verður búið að tapa og mun ekki skrifa um leikinn né commenta - Fuck Arsenal!

Ólukkans ólund

Keðjufíflið hefur enn og aftur komið sér í klandur og í þetta skiptið sem mörg önnur er það korteri of seint, með skítinn upp á bak og lyktina eftir því.
Nýjasta uppátæki Fíflsins er að gerast brotlegt á þeim reglum sem fyrir það var lagt á ljóðasíðu þeirri sem játar ást sína á Breiðholti.
Samkvæmt reglum ljóðelítunnar mun því fíflið bera nafnbótina Ólukkans Ólund héðan í frá og er það von okkar að þú lesandi góður takir þátt í slíku svo að nafnbótinn festist við hann líkt og Sir við Alex Fergusson eða Meistarinn við Daða Guðmundsson. Fyrsta skrefið er að láta í ljós óánægju þína á bloggsíðu Ólundarinnar með óframlagið, svo að Ólukkans Ólundin geri sér grein fyrir því hvers konar rassmalagestur hún sé og skeini skítinn af bakinu á sér áður en hún lætur sjá sig aftur úti á meðal almennings. Það er skömm af þessu Ólundin þín!

11.september úúúú!!!!

Fór í dag á fyrirlestur með minni heittelskuðu um tengsl milli trúarbragða og stjórnmála.
Það var Magnús Þorkell Bernharðsson sem hélt tölu. Þeir sem vilja yfirlitslýsingu geta smellt á fyrirlestur hér að ofan. Fyrirlesturinn var hins vegar mjög fræðandi og það sem kom helst á óvart var að samkvæmt rannsóknum trúa/samþykkja 40% Bandaríkjamanna kenningar hins sturlaða John Darby sem í stuttu máli eru heimsendakenningar. Sýndi Magnús mynd af korti sem slíkir trúendur styðjast við og samkv. því er mannkynssögunni skipt upp í tímabil.
Í gangi er einnig dómsdagsvísitala sem hækkar og lækkar eftir hörmungum heimsins, hækkaði t.d. eftir fellibylinn Katrínu og einmitt eftir 11.september 2001. Samkvæmt kenningunni eru þeir sem reyna að vinna fyrir friði í heiminum, t.d. stofnannir á borð við SÞ á bandi hins illa, því þeir aðilar eru að koma í veg fyrir áform Guðs. Að lokum mun Guð svo væntanlega þyrma hinum útvöldu og aðrir fara til helvítis... helvítis segi ég! Þvílíkt rugl!!! Það þarf auðvitað ekki að taka það fram að þetta fólk býr í Mið-og Suðurríkjum Bandaríkjanna og eru örugg Republicana ríki.
Spurning hvort að Fukuyama þurfi ekki að setjast niður og skrifa The End of American History þar sem Bandaríkin eru að klofna í ómenntað og fanatískt trúarríki og hins vegar í menntað og trúlaust ríki. En það eru helvítis neo-conservative sjúklingarnir sem halda þessum hópum saman - minni hér með aftur á myndina Power of nightmares. Jón Baldvin velti því einmitt fyrir sér hvað það væri við Bandaríkin sem gerði það að verkum að svona gæti farið, því ekkert bólar á þessu í Kanada né hinu fátæka Mexíkó. Eitt þeirra er auðvitað eins og fram hafði komið að þessar kirkjudeildir eru mjög sterkar efnahagslega og halda uppi útvarps og sjónvarpsstöðvum, það eru messur frá 7 á morgnanna til 9 á kvöldin og þær hjálpa fólki félagslega og t.d. að finna vinnu - ekki ólíkt samtökum á borð við Hamas í Palestínu. Jæja yfir í daglegt líf.

Haustið er greinilega komið því eftir 8 daga skólasetu er ég með 0% mætingu. Það verður þó bætt úr því á morgunn þar sem tíminn hefst klukkan 15:00 en ekki á hinum mjög svo ókristilega tíma 08:00. Ég gjörsamlega þurfti að rífa mig upp klukkan 11:00 og berjast sálrænt við sjálfan mig í korter til að koma mér út úr húsi til að horfa á Everton vs Liverpool - þriðja markið gerði það vel þess virði.
Hitti Svan sem leiðbeindi mér með B.A. ritgerðina og eins og tveir fræðimenn vilja gera ræddum við um Bob Dylan - í dag er einmitt 11.september en árið 2001 þegar tvíburaturnarnir voru að hrynja var platan hans Love&Theft að koma í verslanir, þar má finna eftirfarandi textabrot:

Last night the wind was whisperin', I was trying to make out what it was
Last night the wind was whisperin' somethin' - I was trying to make out what it was
I tell myself something's comin'
But it never does

humm.. yes!

Fór annars á umhverfismynd Al Gore. Skylduáhorf fyrir alla!!!

Davíð Oddsson að skíta á sig

Sjá grein frá 7.september
Í þessum greinum sem Hreinn bendir á frá 1996 kemur einnig fram að Davíð Oddsson taldi forsetaembættið geta orðið mjög sterkt, bæði út frá stjórnarskrá og að það færi í raun eftir einstaklingnum sem gengdi embættinu. Eftir að forsetinn neitaði hins vegar að skrifa undir fjölmiðlalögin þá var hann á allt annarri skoðun.

Tvífarar dagsins (biðst fyrirgefningar fyrirfram)

Tvífarar dagsins eru tón- og ljóðskáldin Helgi Rafn úr Idolinu og ljod.is snillingurinn Henrik Garcia.
Sumir hafa haldið því fram að þeir séu tvíburabræður en svo mun ekki vera, enda tilheyra þeir sitthvorum hópnum, Helgi hinum hressa grunnhyggna hópi Idol og FM 957 en Garcia er eins og lesendum ljod.is er ljóst þenkjandi ljóðskáld og með ættarnafn og ætti þar af leiðandi að eiga vísa inngöngu í Nýhil.
Verði lesendur var við það að ég hætti að skrifa hér og láti ekki sjá mig á götum úti, er það sennilega vegna þess að ég verð skotinn í kaf á bloggsíðu Garcia - ég biðst þegar afsökunar á þessari færslu, en þetta var bara of fyndið til að sleppa því

Passíusláttursálmur 1&52 en ekkert þar á milli.

Jæja ég verð í minni skömm að birta framlag mitt til vísnaleiksins á slegidoghlegid. Alveg hef ég verið með eindæmum ófrjór síðustu vikurnar, en hið góða er að það verða allavegana ekki til nein börn af minni hálfu á meðan (trommusóló). En hér er mitt auma framlag:

Jæja!

Út,út fastráðnir og sumarhópar með
Fræsið allt, sláið og hreinsið beð
Hugur og hjarta hjálpi þar til
Himneskrar Bækistöðvar ég minnast vil

Hæstráðandi Hörður skipar skyldu þá
Skulum vér öll hlýða ,,Jæja” á
Vinna þau verk sem fyrir oss eru lögð
Verkamannasaga Breiðholts verður nú sögð

Hálfátta að morgni var haldið af stað
Harka Harðar strax við kvað
Einn eilítið seinn öskraði svo á
Að eftir lág – þvílíkt munntóbaksbað

Að fægja heiminn er fagurt verk
Faslaus skalt gera þó finnist ómerk
Slá, raka og safna í pokana saman
Sjá ekki þó gefi þér undir fótinn daman

Að liðinni hádegismáltíð ,,Jæja” lofsönginn
Las nú Castro yfir mannskapinn
Hinsta hrópið hátt það var
Hundingjarnir þeir gerðu í buxurnar

Í annað sinn var haldið út á ný
Unnið þó yfir kæmu drungaleg ský
Helgimyndir Jakob í hólana sló
Af Harðar öskrum næstum dó

Þá Daðsteinn ráðgóður á veginum var
Við postulans postula ræddi þar
Og um þetta verk oft var síðar ort
Og auk þess títtnefndan súerfnisskort

Aldrei, kvað Jakob, ætla ég
Að ganga Harðar hetju veg
Þó flokkstjórar allir falli nú
Fullkomleg var hans lofun sú

Væri sú tilhugsun völt og myrk
Að voga sér að treysta á Jakobs styrk
Án Harðar náðar er allt vort traust
Óstöðugt, veikt og hjálparlaust

Klukkan þrjú var þrælum þrykkt
Þakkað góð störf og á þeim byggt
Kerran tæmd og traktornum lagt
Tíndir upp pokar, svo ekkert yrði sagt

Klukkan fimm skal farið inn um hlið
Ferða-lok vinnudags, nei bíðum við
Læsa þarf gám og losa úr pokum
Loks er þá komið að ,,Jæja” – dagsferðalokum.

---------------------------------------------

Á Vatnsendahæðinni er verið að krossfesta mann
Og stóreignamennirnir stíga uppí þyrlu
til að horfa á hann

Það er slátturveður gott, þó veröldin víst sé hún flá
þetta er rauðhærður maður og laglegur
en starfsmenn hans halda þó áfram að slá

Og Þórir gamli spyr: ,,Því er hann vafinn í teppi"?
Og þroskaheftur drengur spyr á móti:
"Átt þú ekki heima á kletti í Kleppi?"

...

Við Vatnsendarætur ætlar Meistarinn að krossfesta sig
Og hinir fastráðnu, smíða sprekkross
Og glotta er þeir sjá glitta í mig

Það er grenjandi rigning, því nú Guðirnir gráta
Þetta er illa vaxinn drengur með aflitað hár
Og jafn greindur og 8 ára hnáta

Og Heiða spyr: ,,Því ætlar hann að krossfesta sig út í porti?"
Og Daðsteinn svarar: ,,Því hann um sjálfan sig níðvísu orti
Og þjáist nú af skömm, en bráðlega af súrefnisskorti."

...

Í leti á fleti á kletti í Kleppi ætlar maður að krossfesta sig
Því í einelti telur hann sig lagðan af stjórnmálafræðingi
Og sálfræðinema með nokkur píanóstig

Það er þungt loft, lokaður gluggi og ofninn á þrem
Þetta er sami maður og í Passísálmi tvö
Og áhorfendur þiggja kex og sleikja af því krem

Og Henrik spyr: ,,Áttu þér einhverja hinstu bón?”
Og Jakob horfir á hann og segir með fögrum tón:
,,Mig langar að vita, er þetta kremkex frá Frón?”

...

Í Land Rover reyna menn að krossfesta flón
Þeir kall´ann VerslunarmannaHelga
og hans bíður brátt andlegt tjón

Úti er snjór en Land Rover seta ekki til sölu
Þetta er skrækróma fáviti, með óþolandi útlit
Og neikvæða greindarvísitölu

Og sláttursveinn einn mælir: ,,Voða er hann einfaldur”
Og stúlka við hans hlið mælir: ,,Já, sennilega of heimskur
til að geta stytt sér aldur.”

...

Inn í skúr situr arfaheimskur maður á Land Rover
Kominn með nóg af lífsins fúkyrðum
Og ætlar að dæma sig sjálfan Game Over

Hann ræsir bílinn og skúrinn hann fyllist af reyk
Og Daðsteinn stendur fyrir utan og starir inn
Og sötrar sinn jarðaberjasjeik

Og Daðsteinn segir við mig: Þetta er alveg í hans stíl
Og ég svara glottandi: Já, hann er svo heimskur,
hann getur ekki framið svona sjálfsmorð á díselbíl

...

Á Vatnsendahæðinni er verið að
vana mann
og Feministafélagið mætir til að
úthúða, og hæða hann.

Það viðrar vel til vönunnar, þó að vísu
sé það ávallt sárt
þær,,þetta er forarkjaftur, klámhundur
og á það skilið - það er klárt"

,,Er þetta Jarlinn" er spurt,
þær svara ,,bara eitthvað kríp"
ég segi ,,væri ekki jafnrétti að henda öðrum kross upp
og kötta á einn sníp?"

...

Á Öskjuhlíðahæðinni er verið
að fæða útigangsmann
og forsætisráðherra samgleðst honum
og lætur setja á útivistabann

Það er heiðskýr himinn og félagarnir
skella sér á Perlubarinn
þessi útigangsmaður er hlandblautur,
tannlaus og illa farinn

Og forsæitsráðherra spyr ,,á ég að redda þér vinnu uppi á bækistöð"
og róninn svarar ,,nei andskotinn er mig aftur að dreyma þessa martröð"

...

Á Vatnsendahæðinni er verið að
krossfesta mær
og til eru þeir sem hefðu viljað
að slíkt hefði gerst strax í gær

Það á að hætta við en samt er hún brúnaþung og fýld
þetta er horuð bridds drottning
og einhver segir ,, ég vona að hún verði kýld"

Og Þórir gamli mælir ,,ég er með stíflaða þvagrás"
en Henrik segir ,,þú myndir samt ekki vilja skipta og vera In da house"

...

Á Vatnsendahæðinni er verið að krossfesta akfeitan mann
og allir á bækistöðinni eru sammála
um að þetta sé ,,djöfulli gott á hann"

Þetta er dagur fallegur, en hann var dreginn sofandi út úr bíl
og Henrik segir ,,djöfullinn hann ætlaði að selja ljóðabækur Daða til Nýhil"

En af krossinum er öskrað ,,Guð, hef ég ort mitt hinsta ljóð?"
og himnarnir opnast og mælt er
,,sannlega segir ég yður já, en djöfull voru Nútímaljóðin þín góð"

...

Á Vatnsendahæðinni er verið að
Keðjufesta mann
og Daði notar síðasta tækifærið
til að drulla yfir hann

Það er lognmolla, og loftið fyllt af skítalykt
og ég mæli ,,það er eins og einn karlmaður hafi hér í annan þrykkt"

Og hinn keðjufasti segir ,,hvað? hvað? ég má þetta alveg"
en Daði brosir og segir ,,Ó, nú verður hver æfingaferð yndisleg"

...

Á kommúnískri hæð er verið að krossfesta
einræðisherra
og starfmenn í óttablandinni virðingu þora ekki að hnerra

Það er þrumuveður Shostakovich og byltingin er grátandi grá
þetta er tóbakstroðinn töffari
og sagan mun aldrei góðan orðstír hans afmá

Og menn standa regnblautir, stjarfir
og þora ekki að hlæja
en spretta úr sporunum er sá krossfesti
öskrar í hinsta sinn ,,JÆJA!"

Aðvörun!

Mér finnst rétt að vara menningarvita landsins við myndinni ,,A cock and bull story".
Ömurlegri og ófrumlegri mynd hef ég aldrei séð - meira að segja Annie Hall eftir Woddy Allen varð stórkostleg í framhaldinu.

Hvor útgáfan er betri II?

Bob Dylan: Girl From The North Country

Bob Dylan & Johnny Cash - Girl From The North Country (Live)

Er hægt að gera upp á milli?

Hvor útgáfan er betri I?

Bob Dylan & The Band - One too many mornings (live!)

Bob Dylan & Johnny Cash - One Too Many Mornings

Er hægt að gera upp á milli?

Skylduáhorf!!!

Eftirfarandi heimildarmynd: The power of nightmares eftir Adam Curtis sem var sýnd á BBC2 þann 11.mars 2004 er algjört must fyrir þá sem ekki hafa séð og hafa einhvern vott af áhuga á stjórnmálum. Þetta er mynd sem ég ætlaði að sjá en eins og með svo margar aðrar komst ekki í og gleymdist, en nú var Andri Fannar svo elskulegur að að lána mér hana.
Nú ætla ég að vinda mér í aðra sem er ekki síðri eftir sama mann og ber heitið The Century of The Self.

Lifið heil!

Texti sem ég er of latur til að klára (hugmyndin að sjálfsögðu stolin frá Woody Guthrie)

Ég ætla að segja þér sögu, sú saga verður löng
Hún hefst á ungri stúlku og vá hvað hún var þröng
Hún bauð mér bita af epli, sem engin hafði snert
Það hlýtur að vera það heimskulegasta sem ein kona hefur gert

Ég snæddi með Jesú í hinsta sinn, já ég sat við það borð
Ég stóð sjálfur við krossinn og heyrði hann tjá sín hinstu orð
A).Heyrði Hr.Ískarot reyna að sannfæra sjálfan sig, það var athyglisvert
En líklega eitt það heimskulegasta sem einn maður hefur gert.
B)Sá Hr. Pilatus og Ískarot leika skák, það var athyglisvert
Stuttu eftir eitt það heimskulegasta sem tveir menn hafa gert.

---------------------------------------------------------
(Hér vantar að brúa mannkynssöguna - ekki það að fyrsta erindið sé þaðan.)
---------------------------------------------------------

Ég horfði á Princip taka í gikkinn og Lenin taka völd
Skotgrafahernaðurinn í Evrópu hann leið mér sem heil öld
Ég var í Versölum er skrifað var undir, að Þjóðverjum var hert
Það hlýtur að vera einn heimskulegasti samningur sem þjóðir hafa gert

Ég gekk til Þýskalands og sá – þá - fá ,,haturssóttina”
Horfði á þjóðernisöldu þá sem leiddi af sér ,,Kristalnóttina”
þeir murkuðu lífið úr gyðingum, það skein í hatrið bert
það hlýtur að vera eitt það heimskulegasta sem ein þjóð hefur gert

Ég sá rauðann fána á Reichstag og Hitler taka sinn líftíma
Flaug í flugvél með Thomas Ferebee yfir Hirosima
Stórveldin hótuðu með kjarnorku og skiptu heiminum þverrt
Það hlýtur að vera eitt það heimskulegasta sem tvö ríki hafa gert

Vart var búið að slökkva á ofnunum, varla kólnað í hinu hinsta líki
Er menn settust niður í góðri meiningu og stofnuðu Ísrael ríki
Og plöntuðu því í Palestínu, mörgum fannst það virðingarvert
En líklega það allra heimskulegasta sem í stöðunni þeir gátu gert

Berlínarmúrinn var brotinn niður, Bolsévikar hurfu burt
,,Hvað eigum við að gera við herinn?" vestanhafs var spurt
,,Átök menningarheima” mælti Huntington er eyrun voru sperrt
Það hlýtur að vera ein heimskulegasta bók sem einn maður hefur gert

Ég vil ekki tala um vitleysing sem varði tíma í Washington
Hans heimskulegasta gjörð var þó þegar hann eignaðist sinn fyrsta son
Það var talið nánast ómögulegt, en nafn föður síns hann hefur svert
Og á líklega eftir að gera margt það heimskulegasta sem einn maður getur gert

Það bjó einn maður í Valhöll, var konungur fólksins langa tíð
Hann taldi loks vald sitt komið frá guði og orti um alla lágkúruníð
Hann klúðraði ferli sínum og er dæmi um það ,,hver sem þú ert”
Getur þú gert eitt það heimskulegasta sem nokkur hefur gert.

Ég ætti að fara setja punkt, sögubrot hef ég sagt
Sitthvað fleira mætti eflaust segja og einnig laga margt
En víst mun vitleysan halda áfram og spurning hvort þú sért
Kandídat að gera það heimskulegasta sem nokkur hefur gert.

Gagnrýni á bakþanka Sigurjóns Kjartanssonar

Okkar ástkæri Sigurjón Kjartansson sem yfirleitt kemur með skemmtilegt sjónarhorn á hlutina og er og verður dýrkaður áfram af okkur - tvíhöfðakynslóðinni, spennir að mér finnst bogann full hátt í Bakþönkum sínum í Fréttablaðinu í dag föstudaginn 1.september og missir marks.
Hann talar þar um þrjár kynslóðir a) kopíeringakynslóðina b) frumlegu kynslóðina og c) Wannabe kynslóðina. Áður en ég gagnrýni þetta lið fyrir lið verð ég að spyrja hvernig dettur honum í hug að alhæfa slíkt yfir þessar þrjár kynslóðir og að gera það með jafn slökum rökum er skammarlegt fyrir manninn sem við þekkjum sem hakkavélina.

Kóperingakynslóðin er að hans mati þessi kynslóð sem upp úr 1970 íslenskaði texta við þekkt erlend lög eins og við öll þekkjum, en þarna risu ekki síður upp mörg af þekktustu böndum rokksögu Íslands og svo auðvitað Herra Frumlegheit Megas sem á kaldhæðin hátt afbakaði fornsögurnar og stakk á kýli hins fordómafulla samfélags með sínum eigin lögum þó að vísu sé lagið ,,Jónas frá Hriflu" skopstæling af Dylan laginu John Wesley Harding og víst fékk hann lánað lag Woody Guthrie við textann ,,Komdu og skoðaðu í kistuna mína" .

Í kjölfarið segir Sigurjón að hafi komið frumlega kynslóðin. Og nefnir þar Bubba og Björk (sem bæði hafa sungið með Megasi). OK, það er ekki hægt að neita því að Björk kom með eitthvað nýtt, sama hvað manni finnst svo um það. En að nefna Bubba sem dæmi um frumlegheit er lágkúra. Maðurinn kemur áratug á eftir Megasi og syngur barnalega pólitísk lög um samfélagið og stelur ekki bara mörgum lögum af Dylan og Guthrie, heldur beinlínis lagi og texta af Leonard Cohen - og ekkert af þessu gerir hann einu sinni sómasamlega.
Það eru öll frumlegheitin!
Auðvitað er það þannig að þegar fólk er ungt og sérstaklega þegar það lendir í kynslóð sem reynir uppreisn að þá heldur það að þeirra kynslóð sé sú svalasta í sögu alheimsins, en maður hefði haldið að á tuttugu árum gerðu menn sér það ljóst að svo er ekki. Pönk kynslóð Bubba Morteins og Sigurjóns Kjartanssonar (og þá kynslóð sem lítill hluti samfélagsins sem var áberandi oftast með neikvæðri ímynd) er auðvitað ,,pre-wannabe" kynslóð sem kom langt á eftir bresku pönk bylgjunni og er í besta falli hallærislega fyndin en í sinni verstu birtingarmynd ömurleg og alls ekki frumleg heldur einmitt eftirhermur - svipað eins og ráðvilltir tölvunördar myndu í dag hópast saman niður á Ingólfstorg, sorglegt. Bubbi og Björk eiga það svo auðvitað sameiginlegt sem hugsanlegir talsmenn þessarar kynslóðar að hafa fundið sig og fært sig um set músíklega.

Það sem Sigurjón kallar svo Wannabe kynslóðina að hluta með réttu er þetta Idol, MTV becoming og Rock Star pakk. Það er sá hluti sem birtist hvað mest í fjölmiðlum, er samt engan veginn einkennandi fyrir þessa kynslóð. Hvað með Sigur Rós og þá 20þúsund einstaklinga sem mættu á tónleikana? Hvað með hiphop/triphopp og raftónlistarmennina sem eru með þeim fremstu í heiminum? Hvað með Trabant, Hermigervil, Jakobínarínu, Maus og svo post-Sigur Rósar hljómsveitirnar sem eru margar hverjar að gera samninga erlendis, er þetta Wannabe lið án frumlegheita? Nei, eins og flestir vita hefur fjölbreytnin og gæðin sjaldan verið meiri í íslensku tónlistarlífi þrátt fyrir útlitsdýrkunarliðið í sjónvarpinu og vonandi verður næsta kynslóð enn betri. Er því ekki betra að segja að idol pakkið sé eins áberandi og pönkið var á neikvæðum nótum í fjölmiðlum á þeim tíma, það var bara lítill hluti sem sniffaði lím, var með egg í hárinu og gekk niður í bæ hrækjandi á hvorn annan eða eru þessir viðskiptagaurar sem nú hafa lagt eignir landsins og nágrannaríkjanna undir sig kannski bara gamlir pönkarar á sýru?
Kannski er Sigurjón Kjartansson bara að verða wannabe Gunnar Smári Egilsson eða kópíeraður Howard Stern?
Nei, Sigurjón verður vonandi áfram hann sjálfur eða þá sín eigin hakkavél og vonandi brálega aftur annað höfuð Tvíhöfða. Vonandi var þessi grein hans aðeins gamalt sýrutripp en ekki eitthvað sem er komið til að vera.
Sigurjón Kjartansson lengi lifi!

Fyrir Viðar (sem er t.d. gott að syngja við lagið ,,Honey just allow me one more chance" með smá breytingum)

Lífið það líður hjá, en vá hvað mig langar í lest
Lífið það líður hjá, en vá hvað mig langar í lest
Hoppa upp í flugvél og setja allt á frest
Taka enga ábyrgð leika rassmalagest
Já, þó að lífið það líði hjá – vá hvað mig langar í lest

Lífið það fer að styttast, en eigum við að hittast í lest
Lífið það fer að styttast, en eigum við að hittast í lest
Ferðast um fjarlæg lönd og ná okkur í pest
Gráta af hræðslu er við tökum alnæmistest
Og hlæja svo að öllu fyrir rest - er við höldum áfram í lest
(- áfram í handónýtri lest)

Mig dreymir það reglulega, að ferðast aftur um í lest
Mig dreymir það daglega, að ferðast aftur um í lest
Horfa út um gluggann sjá dvergvaxinn hest
Eitthvað breskt, franskt, framandi og ferskt
En mest þó því sem ég ann best – með þér einum í lest

Ég vil ekki eignast börn, því þau eiga ekki heima í lest
Ég ætla ekki strax að eignast börn, því ég vill vera í lest
Og svo er ég alltof ungur eins og sést
Og svo höfum við tveir þegar ráð okkar fest
a)Og við þurfum bara að fá okkur prest og flýja saman í lest
b)svo tölum við hvorki við kóng né prest, flýjum saman í lest

Sólsetrið við Frakklandsakra, fallegast sést úr lest
Sólsetrið við Frakklandsakra, fallegast sést úr lest
Við sendum saman Brooks, póstkortin flest
Og í Parísarhjóli ég hafði þig sem rómantískan gest
Ég man þú grést og hvernig þú lést, er hvarf ég burt í lest

Mikið var ég feginn í Milan, að komast burt í lest
Já, mikið var ég feginn frá Milan, að komast burt í lest
You were north-east and I was south-west
Og þú ældir úr þér magann í Búdapest
Fannst þér væri í kommagarð klesst og keyrðir fúll burtu í lest

Ég man ég varði eitt sinn - tuttuguogsjö tímum í lest
Milli Grikklands og Búlgaríu, já tuttuguogsjö tíma í lest
Margt hefur breyst og margt hefur gerst
Minni samskipti við þig, finnst mér samt verst
En það væri lýgi að segja að ég hafi léttst, síðan lág ég í Evrópulest

Ég heyri ennþá hljóðin, í þessari fallegu Evrópulest
Ég heyri ennþá hljóðin, í þessari fallegu Evrópulest
Hittumst aftur í Aþenu og höldum heilmikið fest
Þú, ég og nokkur búlgörsk breast
Og ég skal splæsa í hálsfest og syngja eitthvað hresst
Ef þú hjá mér sest og brunar burt með mér í lest
-brunar burt með mér í lest, ahah*!
-brunar burt með mér í lest! ahah!
já, ég skal splæsa í hálsfest og syngja eitthvað hresst
er þú brunar með mér burt í lest - yeeeee!**



*ahah, svokölluð Elvis hljóð
** Þruma gítarnum í gólfið og sparka í trommusettið.